Daniel 5:7 - ICIGHAN BIBILO

⁷ Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

Daniel 5:7 Iomraidhean Croise

Genese 41:8

Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

Eseter 3:1

Ken masejime u akaa ne yô, tor Ahasueru na Haman wan u Hamedata, Oragagu la, hemen, a kende un sha, a ver un ikagh ki teman hemba atiator a a lu a na imôngo cii.

Ekesodu 7:11

Tsô Farao yila mbafankwagh man mbaahiriv; ve mbaahiriv mba Igipiti kpaa ve er nahan sha ahir a ve.

Anzaakaa 1:9

Gadia vea hingir we kwagh u hweegh sha icul, kua mshirim sha mon wou kpaa.

I Solomon 1:10

Ahenge a ou doo tsung a asa a dedoo sha mi, man mon wou kpaa a ikor i asa a dedoo.

Yesaia 47:13

U vôr a mbamhen ou mba kpishiv la; yô, de, mba ve paven Usha, mbanengen asan, mba ve lu ôron we kwagh u á va eren sha iwer iwer la, ve̱ mough ve̱ tile sha, ve̱ yima u sha akaa a á va tser u la.

Yeremia 50:35

Sanker a̱ va sha Mbakaldi, kape TER A kaa ne, man sha ior i ken Babilon, man sha atiator a na kua sha mbafankwagh nav kpaa!

Esekiel 16:11

M er u hwe anza kposo kposo, M wa u ahye sha ave man ishirigh sha mon.

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 1:4

mbayevikaior mba ve lu a ihogholough iyol ga, mbadoonashe, mba ve vie sha hanma gbenda u mfe, mbalun a kwaghfan, man mbakaven akaa, mba ve kom u eren tom ken iyou i tor, sha u una tese ve ingeren man zwa u Mbakaldi yô.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 2:27

Daniel gema kaa sha ishigh ki tor er: Kwaghmyer u tor a pin la, mbafankwagh, shin mbaasorov, shin mbaahiriv, shin mbatsengan fan akaa kpaa, ve fatyô u pasen tor ga;

Daniel 2:48

Tsô tor civir Daniel kpishi, na un uiwua mba vesen, a ver un tor sha tiôntar u Babilon cii, man shi orhemen u vesen u mbafankwagh mba Babilon cii.

Daniel 2:6

Kpa aluer né pasem mnyam mara kua inja i ma yô, nea ngohol iwua man injar man icivir i vesen her a mo; nahan yô, kaam nen mnyam mara kua inja i ma.

Daniel 4:14

A genger imo, a kaa er: Gber kon ne kera, paa agbaa a u, or ika i u, tsenda atam a u kera; inyamtoho i̱ kar shin itine i u kera, man inyon kpaa i̱ mough sha agbaa a u.

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 5:15

Hegen yô, i vande nyôron a mbafankwagh, ka mbaasorov je la, sha ishigh yagh, sha u ve̱ ôr ingeren ne, man ve̱ pasem inja i i kpaa; kpa ve fatyô u pasen inja i kwagh la ga.

Daniel 5:16

Kpa m ungwa mer, we yô, u fatyô u pasen akaa, man u been akpelan; hegen yô, aluer ú fatyô u ôron ingeren la, man u pasen mo inja i i kpa yô, á haa u akondo a nyian dindee, á har u ishiligh ku zenaria sha mon kpaa, ú lu tor u sha utar ken tartor.

Daniel 5:29

Tsô Beleshasar na zwa, nahan ve haa Daniel akondo a nyian dindee man ve har un ishiligh ku zenaria sha mon, man ve yôô kwagh na er una lu tor u sha utar ken tartor.

Numeri 22:17

gadia me na u icivir kpishi, hanma kwagh u u kaam cii me er; yô, shi va, va wam ase ior mban ifan.

Numeri 22:7

Tsô mbavesen mba Moabi man mbavesen mba Midian, ve za a injar i ahir a ve, ve va hen Balaam ve va ôr un kwagh u Balaki la.

Numeri 24:11

Yô, mough yem ken ya wou; m fa mer me civir we kpishi je, kpa nenge, TER bunde u icivir ve.

1 Samuel 17:25

Nahan ior mba Iserael kaa er. Ne nenge or la, er a kende kpa? Ka sha u una va bam Iserael a kende ye; nahan aluer or nana wua un yô, tor una na nan nana hingir ornyar kpishi, shi una na nan wan na u kwase, man shi una wase ya u ter u nan dedoo ken Iserael kpaa.