Daniel 5:5 - ICIGHAN BIBILO

⁵ Hen shighe la je ahôaveegh a uwegh ku orough due, gba ngeren kwagh sha ivue i pupuu i sha kpekpe u iyou i tor, sha ishigh ki daarimenger; tor gema nenge tiônwe u lu ngeren la.

Daniel 5:5 Iomraidhean Croise

Yobu 20:5

er m-erikenge u iferor a lu tiônôô, man iember i ormimiga kpaa i lu kpeghee tsô.

Anzaakaa 29:1

Or u i kôôm nan gbem kpa nan nembe ikôr her yô, á sombo nan fese, mwar á kera lu ga.

Yeremia 50:43

Tor u Babilon ungwa ve, ave na maa shir livaa; ican tser un man mnyoonom kôr un er kwase u toghor mar nahan.

Daniel 4:31

Er tor lu ôron kwagh ave la je, tsô, imo due Sha, kaa er: We, tor Nebukadinesar, ka we i ôr kwagh ne a we er: I dugh u tor ve.

Daniel 4:33

Hen shighe la je i kure kwaghôron la sha Nebukadinesar; i zenda un hen ior kera, man a ya toho er ibua nahan, iyol na kpaa heen sha avure a Sha, zan zan ice na tav lihe er ingur i ugafa nahan, akughul a na kpaa hingir er akughul a inyon nahan.

Daniel 5:15

Hegen yô, i vande nyôron a mbafankwagh, ka mbaasorov je la, sha ishigh yagh, sha u ve̱ ôr ingeren ne, man ve̱ pasem inja i i kpaa; kpa ve fatyô u pasen inja i kwagh la ga.

Daniel 5:4

Ve ma wain, ve wuese mbaaôndo mba sha zenaria man mba sha azurfa man mba sha togula man mba sha iyô man mba sha ikon man mba sha awen.

Daniel 5:6

Tsô mluashe u ishigh ki tor gema kposo, mbamhen nav kpaa ta un mciem iyol; uijuan mba iwenge na oghom, anu a na kpaa gba kunden ikarikase, zuan.

Daniel 5:8

Nahan mbafankwagh mba tor cii ve nyôr; kpa ingeren la yô, ve fatyô u ôron i ga, shin u pasen tor inja i i kpaa ga.

Mbakolose 2:14

Mnger u anzô ase a atindi a na, u a lu nan se ibo la yô, A ese un kera, A bunde un A gema A mande un sha terankon.