Daniel 5:4 - ICIGHAN BIBILO

⁴ Ve ma wain, ve wuese mbaaôndo mba sha zenaria man mba sha azurfa man mba sha togula man mba sha iyô man mba sha ikon man mba sha awen.

Daniel 5:4 Iomraidhean Croise

1 Utor 1:49

Tsô ior mba Adoniya lôhô ve la cii, cier ve iyol, ve hembe, hanma or kôr gbenda u nan.

Yesaia 42:17

Vea hide ijime, vea va ahenge tsung, ve mba ve suur sha ieev mbi gban a gba, mba ve kaan a ieev mbi keren a ker er: Ka ne, ne lu mbaaôndo asev la.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Daniel 1:8

Kpa Daniel vande wan ken ishima er una hôngor iyol na sha kwaghyan u tor, shin sha wain u a maan la kpaa ga; nahan a pine orvesen u mbaerentom ken iyou i tor la er, a̱ na un ian sha u una hôngor iyol na ga yô.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Daniel 5:3

Nahan i va a ikav mbi zenaria mbi i kura ken tempel, iyou i Aôndo i i lu ken Yerusalem la; nahan tor man mbatarev nav man kasev nav kua kasev nav mba sha uika, ve ma kwagh a mi.

Daniel 5:5

Hen shighe la je ahôaveegh a uwegh ku orough due, gba ngeren kwagh sha ivue i pupuu i sha kpekpe u iyou i tor, sha ishigh ki daarimenger; tor gema nenge tiônwe u lu ngeren la.

Amoshi 6:7

Nahan yô, á yem a ve uikangen, vea lu mbahiihii mba á yem a ve uikangen la; ishar i haan iyol i mba i lu ve iyol yagh yagh la ia kar kera.

Habaku 2:19

Kwagh á tser un u a kaa a kon er: Nder; man a iwen i lamen ga er: Mough sha la, ia fatyô u pasen kwagh kpa? Nenge, i cir i zenaria man azurfa iyol, man iôôn ngi ken atô u i ciôn kpaa ga.

Aerenakaa A Mbaapostoli 17:29

Man er se lu tsombor u Aôndo je yô, doo u sé hen ser, Aôndo ngu er zenaria shin azurfa shin ma iwen i i koo i a kua sha kwaghfan man sha mhen u or nahan ga.