Daniel 5:23 - ICIGHAN BIBILO

²³ Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Daniel 5:23 Iomraidhean Croise

Genese 14:19

A ver un doo doo, a kaa er: Aôndo Uhembansha A̱ ver Aberam doo doo, u A gbe Sha man tar la;

Genese 2:7

TER Aôndo maa or sha vuulevu u inyaagh, fehe nan iôôn i uma ken ahenga, or la maa hingir or u uma:

2 Utor 14:10

Mimi je, u hemba Edom, nahan ishima you ngi hagher; yô gba manger sha kwagh la tsô, tema hen ya gir gir, inja na nan man ú kumbur ú ve a kwaghbo sha iyol you, ú va gba kua Yuda imôngo?

Yobu 12:10

Un u uma u hanma kwaghuma a lu sha ikev Na yô, kua iôôn i uumace cii kpaa.

Yobu 31:4

Un A nenge igbenda yam man A ôr iyenge i a-avenangahar am cii kpaa gaa?

Upasalmi 104:29

Ka Wea yer ishigh You yô, i za ve iyol; ka Wea tôô ve iôôn kera yô, ve kpe, ve gema ve hingir vuulevu.

Upasalmi 115:16

Usha ka usha mba TER, kpa tar yô, A na ônov mba iorov.

Upasalmi 139:3

U tôv zende wam man myav wam, U fa igbenda yam cii.

Upasalmi 146:4

zum u iôôn i nan ka ia due yô, nan shi nan hide hen inya i nan, sha iyange la je mbamhen mba nan saa ishe.

Anzaakaa 20:24

A-avenangahar a or cii, ka hen TER a lu ye, nahan á er nan man or nana fatyô u kaven gbenda u nana?

Yesaia 13:11

Me tsaha tar sha ci u kwaghbo u u, mbaaferev kpaa sha ci u ifer ve; Me na, ihagh i mbagengeseyol ia bee, man ityough ki kehen ki ior mba aperav kpaa, Me hee ki.

Yesaia 14:13

U kaa ken ishima you wer: Me kôndo Sha, me kende ikônough yagh ki torough Sha je; kia kar asan a Aôndo sha je; me tema sha Uwo u Mkohol, ken zuer u imbusutarimese,

Yesaia 2:12

Gadia iyange i Ter u akum a Sha ngi van sha mbaihaghev man mbagengeseyol cii, man sha akaa a i kende a sha kpaa, sha ci u hiden a a ijime,

Yesaia 33:10

Hegen yô, Me mough sha, kape TER A kaa ne; hegen Me kende iyol Yam sha; hegen Me tile sha.

Yesaia 37:19

ve gbihi mbaaôndo vev ken usu kpaa; gadia ve ka mbaaôndo mimi ga, kpa ka tom u ave a ior tsô, ikon kua awen; ka nahan man ve tim ve ye.

Yesaia 37:23

Ka an je u laha nan, man u toho nan kpaa? Man ka an je u hagher sha nan sha kwaghôrono, u kenden ashe sha sha ihagher kpaa? Ka sha Icighan u Iserael je.

Yesaia 42:5

TER, Aôndo u A gbe Usha man A naregh ve, u A samber tar a akaa a a dugh sha u la, u A ne ior mba ve lu sha u la, iôôn, man shi A ne mba ve zenden sha u, jijingi kpaa yô, ngu kaan nahan er:

Yeremia 10:23

TERE, m fa, gbenda u or ngu sha ikev i nan ga; or u zenden la, mvershigh u iaven i angahar a nan ngu sha ikev i nan ga.

Yeremia 48:26

Er un a̱ hunde, gadia tseen sha TER yum; Moabi una vingir sha isho na, una hingir kwagh u lahan kpaa.

Yeremia 50:28

Ungwa! Imo i mba ve yevese ken tar u Babilon ve war la, sha u za pasen ken Shion iyevoron i TER Aôndo wase, iyevoron i tempel Na.

Yeremia 50:29

Yila mbakerenavaan, ve̱ kohol imôngo, ve̱ ta num sha Babilon, mba ve hende mbaada cii; haa nen afo kase nen un tser; ma or u keregh nana̱ de waren ga; or un iyev sha ieren na; er a er nahan, shi er di nen a na nahan vough; gadia a cihi TER, Icighan u Iserael.

Esekiel 28:17

Ishima you ta ihagh sha ci u mdooashe wou; u vihi kwaghfan wou sha iengem you la; nahan M ta u inya, M gbihi u sha ishigh ki utor sha u ve̱ haa ashe sha a we.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Esekiel 28:5

sha mvese u kwaghfan wou man sha kasua wou, u seer inyaregh you man ishima you kpaa i kende sha, sha ci u inyaregh you;

Esekiel 31:10

Nahan yô, Ter AÔNDO ngu kaan nahan er: Sha ci u a tav sha, man ityough nagh tav tagher sha a been, ishima na kpaa ta ihagh, sha mtav na,

Daniel 11:12

Zum u una kura ikpelaior la kera yô, ishima na ia kende sha; una haa ior inya udubu, udubu pue, kpa una taver zan zan ga.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 8:11

Een, a kende iyol na sha zan zan a za ar sha Tor u akum a Sha kpaa; a ngohol Un nagh ku nanden ku gbem la kera, a yôhôl icighanjiir Na kera kpaa.

Habaku 2:4

Nenge, ishima na manger, ngi ken a na vough ga; kpa orperapera yô, ka sha jighjigh u nan, u nan ne la, man nana lu uma ye.

Aerenakaa A Mbaapostoli 17:25

Man kera ka sha ave a ior kpaa i eren Un tom er kwagh gba Un sha ma kwagh ga, gadia ka Un je A ne uumace cii uma man iôôn kua akaa cii ye.

1 Mbakorinte 8:4

Nahan sha kwagh u inyamakombo i yan yô, se fa, ma akombo nga a inja sha won ga, man shi ma Aôndo ugen ngu ga, saa môm tseegh.

1 Timoteu 3:6

I̱ de lu or u nan sember geman ishima ga, sha u nana̱ de moron iyol nana̱ gbe ken ibo i yan i diabolo la ga yô.

Mbaheberu 4:13

Ma kwagh u i gbe sha won kpaa ngu myer sha ishigh Nagh ga, akaa cii nga gbar gbar, i tar a tar a kpaa sha ashe a Wen u kwagh a zough se a Na la.

Mpase U Yohane 9:20

Ior mba ve shi her mba i wua ve sha atsan la ga yô, ve kera gema ishima ve undu aeren a sha ave ve la ga, ve de u civir ujijingi mba Satan kpaa ga, shin u civir ieev kpaa ga, mbi sha zenaria man azurfa man dela man iwen man kon, ka mbi mbi fetyô u nengen ga, shin u ungwan ga, shin u zenden kpaa ga yô.

Mbaajiriv 16:23

Tsô atiator a Mbafiliti kohol er vea na aôndo ve Dagon, nagh ku vesen, shi vea ember kpaa; gadia ve kaa er: Aôndo wase na Semson orihom wase sha ikev yase.

1 Samuel 17:26

Tsô Davidi ôr kwagh a ior mba ve tile a na la, a kaa er: Á er a or u nana wua Orfiliti ne, man nana tôô iheen i Iserael kera la nana? Orfiliti oripusu ne ngu nyi je, man a bamen akumautya a Aôndo u uma?

1 Samuel 17:36

Wanye wou hemba begha kua dwem kpaa; nahan oripusu Orfiliti ne una hingir er mô ve nahan, sha ci u a bamen akumautya a Aôndo u uma yô.