Daniel 5:21 - ICIGHAN BIBILO

²¹ i zenda un hen ior kera; ishima na gema hingir er i inyamtoho nahan, ijiir na i tsan kpaa lu a ujaki mba tohov imôngo; a hingir u yan toho er ibua nahan, iyol na heen sha avure a Sha, zan zan a kar fan er Aôndo Uhembansha la, A tem tor sha tartor u ior; ka A gema u, A na hanma or u i doo Un u nan nan yô.

Daniel 5:21 Iomraidhean Croise

Yobu 39:5

Ka an nan pase jakitoho, i zenden sha ishima i ii? Ka an nan sagh ikangenev mbi jaki i ken taaikôngo laa?

Esekiel 17:24

Nahan ikon i ken toho cii ia fa er ka Mo TER M hidi a kon u taven la ijime, man M kende a kon u tav ga la sha, M er kon u ndor, u uma kera, man M er kon u ombor u hôm; ka Mo TER M kaa kwagh ne ye, shi Me er un kpaa.

Daniel 4:14

A genger imo, a kaa er: Gber kon ne kera, paa agbaa a u, or ika i u, tsenda atam a u kera; inyamtoho i̱ kar shin itine i u kera, man inyon kpaa i̱ mough sha agbaa a u.

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:22

ka we tor; u vese, u taver, gadia icivir you seer je ar sha, man tartor wou kpaa tser tar cii.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:26

Man er i kaa er, i̱ de ikpughurkon la a amise yô, tartor wou ua lu taveraa ken masetyô u ú fa er Sha a tem tor yô.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Daniel 4:37

Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.