Daniel 5:2 - ICIGHAN BIBILO

² Beleshasar, er wain nyoho un yô, a kaa er, i̱ va a ikav mbi zenaria man mbi azurfa mbi ter na Nebukadinesar kura ken tempel u ken Yerusalem la, sha u tor man mbatarev nav man kasev nav man kasev nav mba sha uika ve̱ ma kwagh a mi yô.

Daniel 5:2 Iomraidhean Croise

2 Samuel 9:7

Davidi kaa a na er: De cie ga, gadia mimi je me er a we dedoo sha ci u teru Yonatan; me hide u a tar u teru, Saulu, cii; ú ya kwagh sha tebul wam gbem.

2 Utor 24:13

Shi a kura ikav mbi injaav mbi ken iyou i TER cii, kua ikav mbi injaav mbi hen ya u tor kpaa, a yem a mi; shi a bugh zenaria u sha akaa a Solomon tor u Iserael lu er ken tempel u TER la, er TER lu kaa yô.

2 Utor 25:15

Man ugbande mba usuv man utasa, orhemen u mbakurantor kura yem a mi, ka akaa a i er a sha zenaria man sha azurfa la.

2 Kroniku 11:20

Ken ijime i ngula yô, a shi a er Maaka, wan u Abesalom; a mar Abiya man Atai man Shisa man Shelomiti a na.

2 Kroniku 15:16

A dugh Maaka, ngô u tor Asa, ken nagbaa kera, gadia a er eev mbu ndôhôr ishima sha ci u Ashera; Asa vihi eev nav mbula kera, hembe mbu avur avur, nande mbu shin uwagh u Kideron.

2 Kroniku 36:10

Er inyom i he i kom yô, tor Nebukadinesar tindi er i̱ va a na ken Babilon, kua ikav mbi dedoo mbi iyou i TER la kpaa; a gema a ver anngô na Sedekia tor sha Yuda man Yerusalem.

2 Kroniku 36:18

Ikav mbi ken iyou i Aôndo cii, mbi vesen man mbi kiriki man inyarev mbi ken iyou i TER, man inyarev mbi tor man mbi atiator na, a va a mbi ken Babilon cii.

Esera 5:14

Ikav mbi zenaria man mbi azurfa kpaa mbi ken iyou i Aôndo, mbi Nebukadinesar lu kura ken tempel u a lu ken Yerusalem yem a mi ken tempel u Babilon la, tor Shirushi due a mbi ken tempel u Babilon la, i gema mbi i na sha ikev i or u i yilan nan er Shesebasar, u a ver un er a̱ lu gomna la;

Yeremia 27:7

Akuraior cii aa eren ishima na, kua wan na man wan u wan na kpaa, zan zan shighe u tar na iyol na kpaa una va kuma; nahan akuraior a ageegh man utor mba tamen vea gema un, una hingir sha ikev ve.

Yeremia 50:35

Sanker a̱ va sha Mbakaldi, kape TER A kaa ne, man sha ior i ken Babilon, man sha atiator a na kua sha mbafankwagh nav kpaa!

Yeremia 52:19

Ayongo man agbande a usu man utasa man ityev man udaarmbaamengerev man mbaahwa man agbande; akaa a i er a sha zenaria man a i er a sha azurfa kpaa, orhemen u mbakurantor kura, yem a mi.

Daniel 1:2

TER gema Yehoyakim tor u Yuda na sha ikev na, kua ikav mbigenev mbi ken iyou i Aôndo kpaa; a kura mbi a yem a mi ken tar u Shinar ken iyou i aôndo na; a gema ikav mbila a koso ken iyou i aôndo na.

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 5:13

Nahan i va a Daniel sha ishigh ki tor. Tor ôr kwagh a Daniel kaa er: Ka we Daniel u u lu ken ônov mba mbakwarev mba Yuda, mba terem tor due a ve ken Yuda nee?

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Daniel 5:3

Nahan i va a ikav mbi zenaria mbi i kura ken tempel, iyou i Aôndo i i lu ken Yerusalem la; nahan tor man mbatarev nav man kasev nav kua kasev nav mba sha uika, ve ma kwagh a mi.

Daniel 5:30

Hen tugh mbula je, i wua Beleshasar tor u Mbakaldi. Dariu or u Media gema ngohol

Daniel 5:4

Ve ma wain, ve wuese mbaaôndo mba sha zenaria man mba sha azurfa man mba sha togula man mba sha iyô man mba sha ikon man mba sha awen.

Numeri 7:79

nagh nagh yô, lu tasa u azurfa môm, myohom nam lu ushekel deri man ikundugber, man iwese u azurfa môm, u sha ushekel akunduatargber, lu shekel u hen icighanjiir la; ve uhar cii ve iv a mwem ma kengese ma i nongo mkurem sha min yô, sha ci u nagh ku sha samuyia;