Daniel 5:19 - ICIGHAN BIBILO

¹⁹ Sha ci u ivesen i A na un la, ior man akuraior man ijô cii, ve gbidye akarkase iyol ve cia un; hanma or u a nenge i doo un u wuan yô, a wua nan; hanma or u a nenge i doo u nana̱ lu uma yô, a de nan uma; man hanma or u i lu un pe kenden nan sha yô, a kende a nan sha; man hanma or u i lu un pe hiden a nan ijime yô, a hide a nan.

Daniel 5:19 Iomraidhean Croise

2 Utor 25:28

a ôr kwagh a na dedoo, a kende ikônough nagh ki torough sha hemba mkônom ma torom ma utor mba ve lu a na ken Babilon la.

Anzaakaa 16:14

Ishimanyoon i tor ngi er mbatyomov mba kuuv nahan, kpa orfankwagh yô, nana pever i.

Orpasenkwagh 8:3

De dugh sha ishigh nagh kera fefa ga, de norom sha kwagh u ifer ga, gadia ka a er hanma kwagh u a sar un yô.

Esekiel 31:11

Me na un sha ikev i orageegh u ken akuraior, una er un kwagh je; M zenda un sha ci u ifer na la.

Daniel 11:12

Zum u una kura ikpelaior la kera yô, ishima na ia kende sha; una haa ior inya udubu, udubu pue, kpa una taver zan zan ga.

Daniel 11:16

Kpa wen u una va ta num sha a na la, una er sha ishima na, ma or môm kpaa nana fatyô u tilen un sha ishi ga; shi una tile ken Tar u Icivirigh la, mtim una lu sha uwegh nagh kpaa.

Daniel 11:3

Tsô tor u ageegh una mough u una tema tor sha tahav mbu vesen, una eren kwagh sha ishima na.

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 3:29

Nahan yô, m wa hanma ior man ikurior man zwa tindi mer, or u nana ôr kwagh dang sha Aôndo u Saderaki man Meshaki man Abedi-nego ne yô, á paa nan avur avur, á gema ya u nan á hingir tihi u ihôgh; gadia ma aôndo ugen ngu u una fatyô u yiman or sha imbakwagh ne nahan ga.

Daniel 3:4

Tsô oryôôn genger imo, kaa er: I wa ne tindi, ne ior man akuraior man ijô,

Daniel 3:6

man aluer or nana gure inya, nana sugh mbu ga yô, á gbihi nan shin atô u atse a usu u yeghen ker la, hen shighe la je.

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:22

ka we tor; u vese, u taver, gadia icivir you seer je ar sha, man tartor wou kpaa tser tar cii.

Habaku 2:5

Mimi je, wain ka kwagh u icughugh je; orimangeregh memen ga, hua na gba ikôr er Sheol nahan, ngu er ku nahan, kwagh kom un ga, a kohol akuraior cii sha ci na, man a ta ior ijuku her a na cii.

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

Mbaromanu 13:1

Hanma or u uma nana̱ ungwan imo i tahav mbu nan lu mbu sha ikev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,