Daniel 5:16 - ICIGHAN BIBILO

¹⁶ Kpa m ungwa mer, we yô, u fatyô u pasen akaa, man u been akpelan; hegen yô, aluer ú fatyô u ôron ingeren la, man u pasen mo inja i i kpa yô, á haa u akondo a nyian dindee, á har u ishiligh ku zenaria sha mon kpaa, ú lu tor u sha utar ken tartor.

Daniel 5:16 Iomraidhean Croise

Genese 40:8

Ve kaa a na er: Mnyam cie se, man or u pasen se ma, nan ngu ga. Yosev kaa a ve er: Ka Aôndo A lu a mpase ye gaa? Ôrom nen ma yôô.

Genese 41:15

Farao kaa a Yosev er: Mnyam ciem, man or u pasen ma, nan ngu ga; man m ungwa mba teren we er, aluer u ungwa mnyam yô, u fa u pasen ma.

Genese 41:42

Tsô Farao tsuwa kunya na ken uwe, u i ver ikav sha mi la, wa Yosev ken uwe, a haa un akondo a dedoo a pupuu iyol, shi a har un shirigh ku zenaria sha mon kpaa;

Daniel 2:48

Tsô tor civir Daniel kpishi, na un uiwua mba vesen, a ver un tor sha tiôntar u Babilon cii, man shi orhemen u vesen u mbafankwagh mba Babilon cii.

Daniel 2:6

Kpa aluer né pasem mnyam mara kua inja i ma yô, nea ngohol iwua man injar man icivir i vesen her a mo; nahan yô, kaam nen mnyam mara kua inja i ma.

Daniel 5:29

Tsô Beleshasar na zwa, nahan ve haa Daniel akondo a nyian dindee man ve har un ishiligh ku zenaria sha mon, man ve yôô kwagh na er una lu tor u sha utar ken tartor.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

Daniel 6:2

man mbahemenev utar mba ve nengen sha a ve yô, Daniel gema lu u môm ken a ve, sha u mbatarev mban ve̱ ôron ve akaa a ve eren, sha er kwagh una saa tor ga yô.

Aerenakaa A Mbaapostoli 8:18

Er Shimon nenge er i lu sha ave a pendan a mbaapostoli man i ne Icighan Jijingi yô, a kende inyaregh, a na ve,