Daniel 5:12 - ICIGHAN BIBILO

¹² Gadia i zua a jijingi u hemban, man mfe man mkav, man u fan u pasen mnyam, man u pasen ukyikya, man u been akpelan, ken Daniel u tor ii un iti er Belete-shasar la. Yô, i̱ yila Daniel, tsô una pase inja i i.

Daniel 5:12 Iomraidhean Croise

Upasalmi 16:3

Sha kwagh u uicighanmbaiorov mba ve lu sha tar yô, ka ve ve lu ior mba mimi mba i saan mo iyol a ve ye.

Anzaakaa 12:26

Orperapera ka orhemengbenda u or u wan ndor a nan, kpa gbenda u aferaior yô, ka u na ve mtsum.

Anzaakaa 17:27

Or u nan lam yum ga yô, ka nan lu a mfe, man shi or u nan lu a ishima i dem dem kpaa ka or u kaven kwagh je.

Esekiel 28:3

yô, nenge, u hemba Daniel kwaghfan, ma kwagh u myer kera ngu u á yeren we ga;

Daniel 1:17

Mbayevikaior mba unyiin mban, Aôndo na ve kwaghfan man mfe sha hanma takerada man hanma gbenda u mfe cii; man Daniel lu a mkav u mbampase mba sha mnenge man u mnyam ma cien kpaa.

Daniel 1:7

Tsô orvesen u mbaerentom ken iyou i tor la, ii ve ati; a ii Daniel er Belete-shasar man Hanania er Shaderaki man Mishael er Meshaki man Asaria er Abedi-nego.

Daniel 2:26

Tor gema kaa a Daniel, u i yilan un er Belete-shasar la er: U fatyô u pasen mo mnyam ma, m nenge la, man inja i ma?

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:8

Kpa ken masetyô yô, Daniel va nyôr sha ishigh yagh, u i yilan un er Belete-shasar, sha iti i aôndo wam, u jijingi u uicighanmbaaôndo a lu ken a na la; m ôr un mnyam am, m kaa mer:

Daniel 5:14

M vande ungwan kwagh wou, er, jijingi u mbaaôndo a lu ken a we yô, man er i zua a iwanger man mkav man mfe u hemban ken a we kpaa yô.

Daniel 5:16

Kpa m ungwa mer, we yô, u fatyô u pasen akaa, man u been akpelan; hegen yô, aluer ú fatyô u ôron ingeren la, man u pasen mo inja i i kpa yô, á haa u akondo a nyian dindee, á har u ishiligh ku zenaria sha mon kpaa, ú lu tor u sha utar ken tartor.

Daniel 6:3

Nahan Daniel ne hemba mbahemenev man mbatarev la cii; gadia jijingi u hemban lu ker a na; nahan tor ver ishima u veren un sha tartor la cii.

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Mbakolose 1:29

Ka sha kwagh ne je m lu eren tom, m lu nôngon ngegh sha ieren Na i A eren ken mo sha agee la.