Daniel 5:11 - ICIGHAN BIBILO

¹¹ Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 5:11 Iomraidhean Croise

Genese 41:38

Farao kaa a mbatomov nav er: Se fatyô u zuan a or u Jijingi u Aôndo A lu ken a nan er or ne nahan kpa?

2 Samuel 14:17

Nahan kpan wou u kwase kaa er: Kwaghôron u terem tor ma a lu u surun ishima; gadia er ortyom u Sha a lu nahan, kape terem tor kpaa a lu la, sha u paven mimi a ifer; TER, Aôndo wou kpaa A̱ lu a we.

Esekiel 28:3

yô, nenge, u hemba Daniel kwaghfan, ma kwagh u myer kera ngu u á yeren we ga;

Esekiel 28:4

ka sha kwaghfan wou man mkav wou la, u zua a inyaregh man u kohol zenaria man azurfa ken ayou a ou a koson inyaregh ker la;

Daniel 1:4

mbayevikaior mba ve lu a ihogholough iyol ga, mbadoonashe, mba ve vie sha hanma gbenda u mfe, mbalun a kwaghfan, man mbakaven akaa, mba ve kom u eren tom ken iyou i tor, sha u una tese ve ingeren man zwa u Mbakaldi yô.

Daniel 2:11

Kwagh u tor a pin ne ka u ican, ma or ngu u nana fatyô u pasen tor un ga, saa di mbaaôndo, mba ve tem a ior imôngo ga la.

Daniel 2:22

Ka Un A pasen akaacimin man a ken myer ye; A fa kwagh u a lu ken ime, iwanger ngi tem a Na.

Daniel 4:18

Mnyam man, mo tor Nebukadinesar m nenge ma; man we Belete-shasar, pasem inja i ma, gadia mbafankwagh mba ken tartor wam cii fatyô u pasen mo inja i ma ga; kpa we yô, u fatyô, gadia jijingi u uicighanmbaaôndo ngu ken a we.

Daniel 4:5

Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Daniel 4:6

Nahan, m wa tindi mer, i̱ va a mbafankwagh mba ken Babilon cii sha ishigh yagh, ve̱ pasem inja i mnyam mara.

Daniel 5:14

M vande ungwan kwagh wou, er, jijingi u mbaaôndo a lu ken a we yô, man er i zua a iwanger man mkav man mfe u hemban ken a we kpaa yô.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

Aerenakaa A Mbaapostoli 12:22

Nahan ior gbidye awer, kaa er: Ka imo i Aôndo je, ka i or ga!

Aerenakaa A Mbaapostoli 14:11

Er ikpelaior nenge kwagh u Paulu er la yô, ve gba genger imo kaan ken zwa u Likaonia er: Mbaaôndo sen va her a vese sha inja i iyolough er ior nahan.

Aerenakaa A Mbaapostoli 16:16

Er se lu zan hen ijiir i msen la yô, wankwase ugen va kohol se, lu a jijingi u tsengan fan akaa, lu nan uter nav mtsera kpishi sha ishor na la.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.