Daniel 4:9 - ICIGHAN BIBILO

⁹ We Belete-shasar, orvesen u mbaahiriv, m fa jijingi u uicighanmbaaôndo ngu ken a we, man ma kwagh u myer u zan we iyol kpaa ngu ga; yô, ôrom mbampase mba sha mnenge mba m nenge a mi ken mnya, kua inja ve.

Daniel 4:9 Iomraidhean Croise

Genese 41:38

Farao kaa a mbatomov nav er: Se fatyô u zuan a or u Jijingi u Aôndo A lu ken a nan er or ne nahan kpa?

Yesaia 33:18

Ishima you ia gba henen ican i cieryol, ia kaa er: Wen u a er iyenge la ngu hana, man wen u a karen myohom la yô, ngu hana? Wen u a er iyenge i ayou a taven gôgônan la yô, ngu hana?

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Esekiel 17:23

ka sha uwo u Iserael u taven sha la, Me môôr un ye; una ta agbaa, una ume atam, una hingir kon u sedar u dedoo; inyon atô kposo kposo ia tema shin itine i u; ka shin mure u agbaa a u ia tema ye.

Esekiel 28:3

yô, nenge, u hemba Daniel kwaghfan, ma kwagh u myer kera ngu u á yeren we ga;

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 2:48

Tsô tor civir Daniel kpishi, na un uiwua mba vesen, a ver un tor sha tiôntar u Babilon cii, man shi orhemen u vesen u mbafankwagh mba Babilon cii.

Daniel 4:18

Mnyam man, mo tor Nebukadinesar m nenge ma; man we Belete-shasar, pasem inja i ma, gadia mbafankwagh mba ken tartor wam cii fatyô u pasen mo inja i ma ga; kpa we yô, u fatyô, gadia jijingi u uicighanmbaaôndo ngu ken a we.

Daniel 4:5

Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Daniel 4:8

Kpa ken masetyô yô, Daniel va nyôr sha ishigh yagh, u i yilan un er Belete-shasar, sha iti i aôndo wam, u jijingi u uicighanmbaaôndo a lu ken a na la; m ôr un mnyam am, m kaa mer:

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

1 Samuel 4:8

Kwagh tser se ve! Ka an nana shi yima se sha ikev i mbaaôndo mba ageev mbana? Mban ka mbaaôndo mba iyange ve tim Mbaigipiti sha hanma injacan ken desereti je ne.