Daniel 4:6 - ICIGHAN BIBILO

⁶ Nahan, m wa tindi mer, i̱ va a mbafankwagh mba ken Babilon cii sha ishigh yagh, ve̱ pasem inja i mnyam mara.

Daniel 4:6 Iomraidhean Croise

Ekesodu 7:11

Tsô Farao yila mbafankwagh man mbaahiriv; ve mbaahiriv mba Igipiti kpaa ve er nahan sha ahir a ve.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Daniel 1:17

Mbayevikaior mba unyiin mban, Aôndo na ve kwaghfan man mfe sha hanma takerada man hanma gbenda u mfe cii; man Daniel lu a mkav u mbampase mba sha mnenge man u mnyam ma cien kpaa.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 2:48

Tsô tor civir Daniel kpishi, na un uiwua mba vesen, a ver un tor sha tiôntar u Babilon cii, man shi orhemen u vesen u mbafankwagh mba Babilon cii.

Daniel 4:15

Nahan kpaa, de ikpughur na a amise na shin inya, a ikangenev mbi sha iyô man togula ken gwergwe u ken ikôngo; avure a sha a̱ heen un, kwar na u̱ lu a ishôso imôngo ken toho;

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.