Daniel 4:5 - ICIGHAN BIBILO

⁵ Mnyam ciem, ma cier mo iyol; mhen wam u sha gambe, man mbampase mba sha mnenge mba m nenge a mi la tam mciem iyol.

Daniel 4:5 Iomraidhean Croise

Genese 41:1

Anyom nga kar ahar vough yô, mnyam cie Farao er un tile hen kpe u ifi u Nil;

Daniel 1:7

Tsô orvesen u mbaerentom ken iyou i tor la, ii ve ati; a ii Daniel er Belete-shasar man Hanania er Shaderaki man Mishael er Meshaki man Asaria er Abedi-nego.

Daniel 2:1

Sha inyom i sha uhar i mtemtor u Nebukadinesar la yô, mnyam cie Nebukadinesar, nahan nzughul un ken ishima, tôndo un mnyam kpaa.

Daniel 2:3

Nahan tor kaa a ve er: Mnyam ciem, nzughul mo ken ishima, nahan kam pe fan mnyam mara.

Daniel 4:10

Ka mbampase mba sha mnenge mba m nenge a mi sha gambe wam ne: M lu kenger, yô, nenge, kon ugen lu hen atô u tar, u tav tsung.

Daniel 4:13

M nenge ken mbampase mba sha mnenge mba m nenge a mi sha gambe wam la, yô, nenge, icighanor, ka orkuran je la, sen Sha.

Daniel 4:15

Nahan kpaa, de ikpughur na a amise na shin inya, a ikangenev mbi sha iyô man togula ken gwergwe u ken ikôngo; avure a sha a̱ heen un, kwar na u̱ lu a ishôso imôngo ken toho;

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 5:10

Torkwase va nyôr ken iyou i iniongo sha ci u kwaghôron u tor man mbatarev nav la; nahan torkwase ôr kwagh kaa er: Tor a̱ lu uma gbem sha won; mbamhen ou ve̱ de te u mciem iyol ga, mluashe u ishigh you kpaa a̱ de gem kposo ga.

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Daniel 7:1

Sha inyom i hiihii i Beleshasar tor u Babilon la, mnyam cie Daniel, a nenge mbampase er a yav sha gambe na yô; nahan a nger mnyam mara, a ôr homonkwagh u ma.

Daniel 7:28

Ka mkur u kwagh shon ne je ne. Mo Daniel yô, mbamhen av tam mciem iyol kpishi, mluashe u ishigh yagh kpaa gema, kpa m koso kwagh shon ken ishima yam.