Daniel 4:37 - ICIGHAN BIBILO

³⁷ Hegen yô, mo Nebukadinesar m ngu civir Tor u Sha; gadia aeren a Na cii ka a mimi je, man igbenda Na ka i perapera, man mba ve zenden sha ihagh yô, A fatyô u hiden a ve ijime.

Daniel 4:37 Iomraidhean Croise

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

Eseter 6:10

Tsô tor kaa a Haman er: Yô, er fefa, tôô akondo kua nyinya, er u kaa nahan, za er a Mordekai, Oryuda, u a tem hen hunda u ya u tor la nahan; de panden ma kwagh môm ken akaa a u kaa ne ga.

Upasalmi 119:75

M fa, TERE, akaaôron a Ou a jirigh ka a perapera je, man er i lu sha jighjigh Wou man U erem ican je ye.

Upasalmi 99:4

Tor u ageegh u ijirôron i mimi i doo U ne, ka We, U ver kwagh u vough ye, U er ijir sha mimi, U eren sha perapera ken Yakob.

Ekesodu 18:11

Hegen yô, m fa, TER hemba mbaaôndo cii, gadia A yima ior sha ikev i Mbaigipiti, zum u ve manger sha ve la.

Ekesodu 8:4

Asôhô aa unde u iyol man ior ou kpaa kua mbatomov ou cii.

Yesaia 23:9

TER u akum a Sha, ka Un A we ishima sha u vihin iyolgengese i icivir la cii, sha u heen mbaciviriv mba sha won cii ye.

Yesaia 5:16

kpa TER u akum a Sha yô, á kende Un sha sha ijirôron i mimi, man Aôndo u wang tsegha iyol Na sha perapera.

Yeremia 50:29

Yila mbakerenavaan, ve̱ kohol imôngo, ve̱ ta num sha Babilon, mba ve hende mbaada cii; haa nen afo kase nen un tser; ma or u keregh nana̱ de waren ga; or un iyev sha ieren na; er a er nahan, shi er di nen a na nahan vough; gadia a cihi TER, Icighan u Iserael.

Esekiel 16:56

Gadia u ôr kwagh, u ter anngôu u kwase Sodom sha ayange a ou a tan ihagh

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Daniel 4:26

Man er i kaa er, i̱ de ikpughurkon la a amise yô, tartor wou ua lu taveraa ken masetyô u ú fa er Sha a tem tor yô.

Daniel 4:3

Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 5:4

Ve ma wain, ve wuese mbaaôndo mba sha zenaria man mba sha azurfa man mba sha togula man mba sha iyô man mba sha ikon man mba sha awen.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Aerenakaa A Mbaapostoli 17:24

Aôndo u A er tar man akaa a a lu kimi cii, tem ken utempel mba i maa sha ave ga, gadia Un ka Ter u Sha man tar.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Mpase U Yohane 15:3

Ve lu wan icam i Mose wanakiriki u Aôndo man shi icam i Waniyôngo kpaa, ve lu kaan er: We Ter, Aôndo, Uhembanagee, ityom You i vese, i kpiligh iyol kpaa. Igbenda You ka jighjigh man shi mimi kpaa, We, Tor u akuraior cii.

Mpase U Yohane 16:7

Shi m ungwa atse a nanden nagh sha mi la kpaa lu kaan er: Kape i lu je la Tere, Aôndo Uhembanagee, ajir a Ou a ôron ka sha mimi man sha jighjigh kpaa.

1 Samuel 2:3

De kera shi seer u ôron kwagh sha imanger ga; kwaghôron u iceenegh kpaa a̱ de dugh ken zwa wen ga; gadia TER ka Aôndo u fan kwagh dedoo je, ka Un je A karen aeren ye.