Daniel 4:3 - ICIGHAN BIBILO

³ Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 4:3 Iomraidhean Croise

Yobu 25:2

Torteman kua mciem ma tan iyol mba her a Na; ka A na bem sha ajiir a Na a sha.

Upasalmi 104:24

Kpash! TERE, ityom You ngi atô kposo kposo, U er i cii sha kwaghfan, tar iv a akaa a U gbe la.

Upasalmi 105:27

Ve za er uivande Nav hen ve, kua akaakpilighyol kpaa ken tar u Ham.

Upasalmi 145:13

Tartor Wou ka icôrontartor je, Ú tema tor Wou sha ikov ikov cii.

Upasalmi 66:7

A tema tor sha agee a Na gbem; ashe a Na gba kenger sha akuraior; mbahendan yô, ve̱ de kera kenden ayol a ve sha ga. Sela.

Upasalmi 72:18

I̱ wuese TER, Aôndo, Aôndo u Iserael, ka Un tseegh A eren akaakpilighyol ye,

Upasalmi 77:19

Gbenda Wou lu shin zegemnger, igbenda You lu shin uzegembamngerev kpaa, angahar a Ou kpaa, i kera nenge a min ga.

Upasalmi 86:10

Gadia U hemba, U eren akaa a kpilighyol; ka We tseegh U lu Aôndo ye.

Upasalmi 92:5

Ityom You gba ikôr mimi, TERE! mbamhen Ou za kpishi.

Yesaia 25:1

TERE, ka We, U lu Aôndo wam ye; me kende U sha, me wuese iti You; gadia U er akaakpilighyol, ka mbamhen mba tsuaa je, sha mimi kua jighjigh.

Yesaia 28:29

Kwagh ne kpaa ka hen TER u akum a sha a dugh ye, Un u A lu a mhen u kpilighyol kua kwaghfan u hemban cii la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 10:10

Kpa TER yô, ka Aôndo u mimi je; Un ka Aôndo u uma je man shi ka Tor u tsôron gbem sha won; sha iyugh Na yô, tar tenger, man akuraior fatyô u kundun ishima sha ishimavihin Na la ga.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Mbaromanu 11:33

Kpash! Mze u ikpelaakaa man mfe man kwaghfan u Aôndo ve za kweng ne! Ajir a ôron a Na gande u timen sha mi, igbenda Na kpaa i gande u tôvon tsôô!

Duteronomi 4:34

Ma aôndo nôngo u za tôôn ikurior sha ci na ker atô u ikurior igen sha ikaren man sha uivande man akaakpilighyol man sha utya man sha uwegh ku ageegh man uwegh ku naregh man sha akaacieryol, er TER, Aôndo wen, lu er sha ci wen ken tar u Igipiti sha ashe a en la, mayange je kpa?

1 Timoteu 1:17

Icivir man iengem i̱ lu i Tor u tsôron u A lu u kpen ga, u i nengen a Na kpaa ga, u A lu Aôndo, Un tswen, gbem sha won. Amen.

Mbaheberu 1:8

Kpa sha kwagh u Wan la yô, A kaa er: Aôndo, ikônough You ki torough yô, ka ki tsôron gbem sha won; ka tôgh ku perapera je, ku lu tôgh ku tartor Wou ye.

Mbaheberu 2:4

Aôndo kpaa lu eren shiada a ve imôngo sha uivande man sha akaa a kpilighyol man akaa a ageegh atô kposo kposo man shi sha ikwar i karen i Icighan Jijingi sha ishima Na kpaa.

1 Peteru 4:11

Aluer hanma or nana ôr kwagh yô, i̱ lu er ka kwaghôron u Aôndo nahan, aluer hanma or nana er tom yô, i̱ lu er ka sha agee a Aôndo A ne yô, sha u á civir Aôndo ken akaa cii sha Yesu Kristu, ka Un A lu a iengem man tahav zan zan gbem sha won ye. Amen.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.