Daniel 4:27 - ICIGHAN BIBILO

²⁷ Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Daniel 4:27 Iomraidhean Croise

Genese 11:4

Ve kaa er: Sé maa nen Zegegar man gôgôyou u taven sha, a̱ za tagher sha Aôndo je, iti yase i̱ za gwa sha won, sé kera samber nen sha tar cii ga.

1 Utor 21:29

U nenge er Ahaba a hide a iyol na ijime sha ishigh Yagh kpa? Yô, er a hide a iyol na ijime sha ishigh Yagh nahan, nahan yô, Me kera va a ican la sha ayange na ga; saa sha ayange a wan na man Me va a ican la hen ya na ye.

Upasalmi 119:46

Me ôr kwagh u mbampase Ou sha ishigh ki utor kpaa, kunya ua kôrom ga.

Anzaakaa 11:2

Zum u iyolgengese ia va yô, kunya di kpaa ua due je, kpa kwaghfan ngu hen mbahiden a iyol ijime la.

Anzaakaa 16:6

Ka sha mhôônom ma zungwen kua mimi i wanger afer kera ye, ka sha mcie u cian TER kpaa, ior ve undun kwaghbo ye.

Anzaakaa 28:13

Or u nan cir akaabo a nan yô, nana zua a iveren ga, kpa u nan pase a, shi nan undu a yô, nana zua a mhôônom ma zungwen.

Yesaia 10:13

Gadia a kaa er: Ka sha agee a uwegh agh man sha kwaghfan wam kpaa m er kwagh ne ye, gadia mo m ngu orkavenkwagh je; nahan m kar a indyor i ityar i akuraior kera, shi m sar inyarev vev, m mgbegha ior, m ta ve inya er nombua nahan;

Yesaia 47:10

Gadia u suur sha ifer you; u kaa wer: Ma or ngu nengen ga. Mfe wou kua kwaghfan wou la ve tsume a we; man u kaa ken ishima you wer: Mo ne, ugen ngu ga saa mo.

Yesaia 47:8

Hegen yô, ungwa kwagh ne, we, u i maan we iyol a ishar i haan iyol la, we, u u tem a mkpeyol, u kaa ken ishima you wer: Mo ne, ugen ngu ga saa mo; me tema kwasecôghol ga, man me fa msaa u ônov kpaa ga;

Yeremia 29:7

Ker nen bem u gar u M ne i yem a ven uikangen ker la, sôn nen TER sha ci na; gadia ka sha bem na, ne kpaa né zua a bem ye.

Yeremia 38:20

Kpa Yeremia kaa er: Vea na u sha ikev ve ga. Shi ungwa imo i TER, sha kwagh u m kaa u la, ka nahan man á kpe u iyol man uma wou kpaa una war ye.

Esekiel 18:7

man nan kighir orgen sha apera ga, kpa nan hidi a ityungu hen or u yan nan injô, man nan ngohol ma or kwagh sha agee ga, kpa nan ne mba ijen i ker ve kwaghyan, man nan cirin mbalun idyelegh akondo iyol,

Esekiel 29:3

ôr kwagh, kaa wer: Ter AÔNDO ngu kaan nahan er: Nenge, M ngu num a we, we, Farao tor u Igipiti, zegedarakon u a yaven shin atô u iwagh ne, u a kaa er: Ifi wam ka u wam iyol yam je, m er un sha ci u wam iyol yam.

Esekiel 29:9

Tar u Igipiti kpaa ua hingir ice man tihialôgh; man vea fa er Mo M lu TER ye; sha ci u a kaa er: Ifi ka u wam, man ka mo m er un ye.

Yoel 2:14

Ka an nan fe er alaghga Una gema awashima Na, man Una undu iveren ken ijime Na— ka nagh ku sha samuyia man ku man, ku nan TER, Aôndo wen je la.

Amoshi 6:13

ne mba ne ember Lodebar (gbilinkwagh), mba ne kaan ner: Kera ka sha agee ase se ngohol Karnaim (akor) ga?

Yona 3:9

Ka an nan fe er alaghga Aôndo Una gema awashima Na man Una hide a iyugh Na ijime sha u se̱ de timin ga yôô?

Habaku 1:11

Nahan ve kar er ahumbe nahan ve yem ken hemen, ve hingir mbalun a ibo, ve mba agee a ve a lu aôndo ve la.

Sefania 2:15

Ngun ka gar u iember u a tema bem bem, u a kaa ken ishima na er: Ka mo je ne, mô ugen ngu ga, saa mo; yô, nenge er a hingir ice man ijiir i inyamtoho i yaven her yô; hanma or u karen her nana gbire iwer man nana mishi uwegh.

Mateu 3:8

Yô, ume nen ase ityamegh ki ki kom mgemshima yô;

Luka 11:41

Kpa na nen iwua sha akaa a lu kimi; nahan man akaa cii aa lu ne wang ye.

Aerenakaa A Mbaapostoli 24:25

Zum u a lu ôron kwagh u perapera, man u kôron iyol tsaha man shi kwagh u ijir i i lu van la yô, Feliku cia sulugha, gema kaa er: Hen shighe ne yô, hira za tsô; iyange i ian ia due dedoo, tsô me yila u;

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Aerenakaa A Mbaapostoli 8:22

Yô, gema ishima sha ifer you ne kera, er msen, sôn Ter, tsô alaghga á de u mhen u ken ishima you ne.

2 Mbakorinte 5:11

Nahan yô, er se fe er Ter a lu u cian yô, se mba sendegh a ior; sha ishigh ki Aôndo yô, kwagh wase ngu gbar gbar, man m ngu veren ishima mer, ken imo i ken asema a en di kpaa kwagh wase ngu gbar gbar je.

Mbagalatia 5:13

Gadia ne yô, anmgbianev, i yila ne sha u ne̱ lu ken uikangen ga, kpa mlu wen u ne lu ken uikangen ga la yô, a̱ de hingir ityôikaa i iyolough ga, kpa eren nen ayol a en tom sha dooshima.

Mbagalatia 5:22

Kpa ityamegh ki Jijingi yô, ka dooshima man msaanyol man bem man ishima i wan man sar sar man mlu u dedoo man jighjigh

Mbagalatia 5:6

Gadia ken Kristu Yesu yô, icôngo kera ngi a ma inja ga shin ipusu kpaa ga, saa di jighjigh u nan u a eren tom sha dooshima yô.

Mbaefese 4:28

Or u iin nana̱ de kera shi iin ga, kpa guda yô, nana̱ nôngo tsung, nana̱ er tom u mimi sha ave a nan, tsô nana lu a kwagh u panden nan orgen u kwagh a gbe nan yô.

Duteronomi 24:13

hide un a ityungu kpee, zum u iyange ka i been nahan, a tsa a ikondo na i cirin man a ver u doo doo; nahan kwagh la una gema á hingir perapera wou sha ishigh ki TER, Aôndo wou.

Duteronomi 32:27

kpa M cia tarnahan u mbaihomov, sha er mbaahendanev vev, ve̱ de luun a mhen u tsumen, ve̱ kaa er: Uwegh asegh kende sha, ka TER A er akaa ne cii ga, ze.

Duteronomi 8:17

Yô, de henen ken ishima you wer: Ka tahav av man agee a uwegh agh ve nem inyaregh kin ga.

1 Peteru 4:8

Kwagh u a hembe cii yô, doo nen ayol a en sha gbashima je gadia dooshima cirin asorabo kpishi.