Daniel 4:25 - ICIGHAN BIBILO

²⁵ á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:25 Iomraidhean Croise

Upasalmi 103:19

TER ver ikônough Nagh ki torough dong sha Usha, tartor Na kpaa ngu sha won cii.

Upasalmi 106:20

kape ve musan Iengem ve, ve ngohol eev mbu bua u yan toho sha ityough ki i la.

Upasalmi 75:7

kpa ka Aôndo A lu Orjir ye, ka A hile a orgen ijime, A kende a orgen sha.

Upasalmi 83:18

sha er ve̱ fa er We, u i yer iti You er TER la, i lu We tseegh U lu Uhembansha sha tar cii yô. Ngun ka sha ci u orhemen u mbawanatsam; i ver un sha Gititi. Ka Pasalmi u ônov mba Kora

Yeremia 27:5

Ka Mo M gbe tar man ior kua ishôso i i lu sha won cii, sha tahav Av mbu vesen kua sha uwegh Agh ku naregh; man M gem u, M ne u i doom u nan nan ye.

Daniel 2:21

ka Un A gem ashighe man a-an ye; ka A dugh utor shi A ver utor; ka A na mbafankwagh mfe, man mba ve lu a mkav yô, A na ve kwaghfan.

Daniel 2:37

We tor, u ngu tor u utor je, ka Aôndo u Sha A ne u tor, man tahav man agee man icivir ye,

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 4:16

i̱ gema ishima na, i̱ de kera luun i or ga, i̱ na un ishima i inyamtoho, man ashighe a̱ kar un ataankarahar.

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:2

M nenge doo u me pase ikav man akaakpilighyol a Aôndo Uhembansha cii A erem yô.