Daniel 4:19 - ICIGHAN BIBILO

¹⁹ Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:19 Iomraidhean Croise

Genese 31:35

A kaa a ter na er: Terem a̱ de yugh er m fetyô u moughon tilen sha ishigh you ga ze, gadia gbaaôndo u ukase kôrom. A ker, kpa a zua a terafim la ga.

Genese 32:18

Nahan kaa wer: Ka a wanakiriki wou Yakob; ka ishughun i i tindi terem Isou a mi yô; nenge, un iyol na kpaa ngu van se ijime je.

Genese 40:12

Yosev kaa a na er: Inja i ma yô, ka i ne: Agbaa atar la ka ayange atar je la.

1 Utor 18:7

Er Obadia lu sha gbenda la yô, nenge, Eliya va kohol un; kav un yô, a gure a kuma ishigh inya, a kaa er: Ka we, terem Eliya?

Ekesodu 32:32

Hegen yô, ma U shi de ve isholibo ve, man aluer ka nahan ga yô, esem ken ruamabera Wou u U nger la kera tsô.

Yeremia 29:7

Ker nen bem u gar u M ne i yem a ven uikangen ker la, sôn nen TER sha ci na; gadia ka sha bem na, ne kpaa né zua a bem ye.

Yeremia 4:19

Myam ama, myam ama! Nyoon mo ken ishima je, ishima yam ngi tan mo kwe; m kera fatyô u teman ving ga, gayô, m ngu ungwan mkaa u ikpamkor, ikenge i utya je!

Daniel 1:7

Tsô orvesen u mbaerentom ken iyou i tor la, ii ve ati; a ii Daniel er Belete-shasar man Hanania er Shaderaki man Mishael er Meshaki man Asaria er Abedi-nego.

Daniel 2:26

Tor gema kaa a Daniel, u i yilan un er Belete-shasar la er: U fatyô u pasen mo mnyam ma, m nenge la, man inja i ma?

Daniel 2:37

We tor, u ngu tor u utor je, ka Aôndo u Sha A ne u tor, man tahav man agee man icivir ye,

Daniel 4:24

ka inja i ma ne, tor; man ka imo i Uhembansha la, i i ve sha terem tor yô:

Daniel 5:12

Gadia i zua a jijingi u hemban, man mfe man mkav, man u fan u pasen mnyam, man u pasen ukyikya, man u been akpelan, ken Daniel u tor ii un iti er Belete-shasar la. Yô, i̱ yila Daniel, tsô una pase inja i i.

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.

Daniel 5:19

Sha ci u ivesen i A na un la, ior man akuraior man ijô cii, ve gbidye akarkase iyol ve cia un; hanma or u a nenge i doo un u wuan yô, a wua nan; hanma or u a nenge i doo u nana̱ lu uma yô, a de nan uma; man hanma or u i lu un pe kenden nan sha yô, a kende a nan sha; man hanma or u i lu un pe hiden a nan ijime yô, a hide a nan.

Daniel 7:15

Mo Daniel yô, jijingi wam a ure ken atô u iyol yam, mbampase mba m nenge a mi tam mciem iyol.

Daniel 7:28

Ka mkur u kwagh shon ne je ne. Mo Daniel yô, mbamhen av tam mciem iyol kpishi, mluashe u ishigh yagh kpaa gema, kpa m koso kwagh shon ken ishima yam.

Daniel 8:27

Tsô, mo Daniel m hume, m lu uange ayange kar; nahan m mough sha, m gba eren tor tom; kpiligh mo iyol, sha mpase u sha mnenge la, kpa ma or kav un ga.

Habaku 3:10

Iwo nenge a We, cier i iyol; mngerem ma zegeura kar; iv kaa imo i i, i kende ave a i sha.

1 Samuel 1:15

Tsô Hana gema kaa er: Ei, terem, mo m ngu kwase u ishima i vihim tsung yô, m ma wain shin ma kwagh u hunden ga, kpa m ngu pasen TER ishima yam cii.

1 Samuel 24:8

Ken masetyô la Davidi kpaa due ken bar la, gba yilan Saulu, a kaa er: Tor, terem! Saulu gem ashe yô, Davidi gure wa ityough inya je, a gure a ta inya.

1 Samuel 26:15

Davidi gema kaa a Abiner er: U ngu nomsoor gaa? Ka an nan kom sha a we ken Iseraele? Man inja na nan u kor teru tor ga? Gadia orgen va nyôr sha u wuan tor, teru la.

1 Samuel 3:17

A pine er: Ka nyi kwagh TER A er a wee? De yeren mo un ze; Aôndo A̱ er a we nahan, i̱ hemba nahan kpaa, aluer wea yerem ma kwagh ken akaa a A kaa u cii yô.