Daniel 4:17 - ICIGHAN BIBILO

¹⁷ Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:17 Iomraidhean Croise

1 Utor 21:25

Mimi je or u nan tee iyol i nan u eren ifer sha ishigh ki TER er Ahaba nahan, nan lu ga, gadia kwase na Yesebel tor un ityô.

2 Kroniku 28:22

Zum u ican tser un la, a seer peren atindi a TER, un tor Ahashi shon la;

Upasalmi 103:19

TER ver ikônough Nagh ki torough dong sha Usha, tartor Na kpaa ngu sha won cii.

Upasalmi 12:8

Mbaaferev mba zenden wue wue hanma ian kpaa, zum u ka a kende akaadang sha ken ônov mba iorov la.

Upasalmi 9:16

TER gema pase iyol Na: A ôr ijir ve! Ka sha tom u ave na iyol na la, i ker iferor ye. Higayon. Sela.

Ekesodu 9:16

Kwagh u M de u u lu her je yô, ka sha u Me tese u agee Am man á pase iti Yam sha won cii kpaa yô.

Yesaia 6:3

U môm gema gba yilan ugen kaan er: Icighan, icighan, icighan, kape TER u akum a Sha A lu la; tar cii iv a iengem Na.

Yesaia 6:8

Tsô m ungwa imo i Ter lu kaan er: Ka an Me tindi nan, man ka an nana za sha ci Wasa? Tsô m kaa mer: Mo ne, tindim.

Esekiel 25:17

Me or ve iyev i vesen sha mbamtsaha mba sha ishimavihin tsung; tsô vea fa er Mo M lu TER yô, zum u Me va a iyevoron Yam sha a ve la.

Esekiel 7:24

Ka nahan man Me va a akuraior a hemban iferkwagh cii, a a ngohol uya vev ye; Me er ihagh i tan i mbaageev ia bee sha won; man á hôngor a ajiir a ve a tseghan la.

Daniel 11:21

Orgen shi nana mough sha ityough nagh nana lu dangor u i ne nan icivir i tor ga; kpa nana va abur abur, nana va ngohol tartor sha zwanyohon.

Daniel 2:21

ka Un A gem ashighe man a-an ye; ka A dugh utor shi A ver utor; ka A na mbafankwagh mfe, man mba ve lu a mkav yô, A na ve kwaghfan.

Daniel 4:2

M nenge doo u me pase ikav man akaakpilighyol a Aôndo Uhembansha cii A erem yô.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Mbaromanu 13:1

Hanma or u uma nana̱ ungwan imo i tahav mbu nan lu mbu sha ikev la, gadia ma tahav mbu ga, saa mbu mbu dugh her Aôndo la, mbu mbu lu her ne kpaa, ka Aôndo je A ver ye.

1 Mbakorinte 1:28

man akaa a a lu a icivir ga ken tar la man a i laha a la, man a a gbe kwagh ga la, Aôndo sange a sha u Una vihi akaa a a gbe kwagh la kera yô,

1 Timoteu 5:21

M ngu wan we kwagh sha ishigh ki Aôndo man Kristu Yesu kua uicuwanmbatyomov mba Shaav mer, kura atindi angan, de gbe kuren kwagh sha mhange u i hange u la tsô ga, de eren ma kwagh sha msange u sha dooshima kpaa ga.

Mpase U Yohane 4:8

Akaauma a anyiin la cii hanmô ve lu a akper ataratar, ve cir ashe iyol kpulughuu ken won man kimi kpaa. Tugh man tetan cii ve memen ga, ve kaan er: Icighan, Icighan, Icighan, Ter Aôndo Uhembanagee, u ngise lu shi A lu hegen shi A lu van kpaa la.

1 Samuel 2:8

Ka A dugh icanor shin vuulevu kera, A mough a nan sha. A kende a oribanave shin tihi u ihôgh sha, er ve̱ tema a uityombaiorov imôngo, ve̱ ya dyako sha ikônough ki torough ki engem; gadia ityôv mbi tarev ka mbi TER je, A ver tar sha mbi.