Daniel 3:8 - ICIGHAN BIBILO

⁸ Tsô, hen shighe la je, Mbakaldi mbagenev va, va yila Mbayuda ijir.

Daniel 3:8 Iomraidhean Croise

Eseter 3:6

Kpa u benden Mordekai ave tseegh yô, lu un kwagh u iheenegh; gadia ve pase un nongo u Mordekai. Nahan Haman gba nôngon u timin Mbayuda kera cii, mba ve lu ken tar u Ahasueru la cii, ka nongo u Mordekai je la.

Daniel 1:4

mbayevikaior mba ve lu a ihogholough iyol ga, mbadoonashe, mba ve vie sha hanma gbenda u mfe, mbalun a kwaghfan, man mbakaven akaa, mba ve kom u eren tom ken iyou i tor, sha u una tese ve ingeren man zwa u Mbakaldi yô.

Daniel 2:10

Mbakaldi gema kaa sha ishigh ki tor er: Ma or ngu sha won u nana fatyô u pasen kwagh u tor ne ga, gadia mayange ma tor u vesen u lun a tahav ngu a vande pinen orahir shin orishor shin Orkaldi imbakwagh ne nahan je ga.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 3:7

Nahan, hen shighe u ior cii ve ongo imo i kor man i mar man molo man gbange man adiguve man hanma inja i ityougholough cii yô, ior man akuraior man ijô cii, ve gure inya, ve sugh eev mbu zenaria mbu tor Nebukadinesar a er la.

Daniel 4:7

Tsô mbaahiriv man mbaasorov man Mbakaldi man mbatsenganôron akaa, ve nyôr, tsô m ôr ve mnyam ma shonom, kpa ve pasem inja i ma ga.

Daniel 6:4

Tsô mbahemenev man mbatarev lu keren u zuan a ityôkwagh i bo sha Daniel sha kwagh u tartor la, kpaa ve zua a ityôikaa i bo shin ifer kpaa ga; gadia a lu ormimi je, man i zua a ma mtsum shin ifer ken a na kpaa ga.

Aerenakaa A Mbaapostoli 28:22

Kpa sar se ka ungwan mnenge wou; gadia sha kwagh u annongo ne yô, ngu ken igbar je hen a vese, han han kpaa mba teren un dang.