Daniel 3:7 - ICIGHAN BIBILO

⁷ Nahan, hen shighe u ior cii ve ongo imo i kor man i mar man molo man gbange man adiguve man hanma inja i ityougholough cii yô, ior man akuraior man ijô cii, ve gure inya, ve sugh eev mbu zenaria mbu tor Nebukadinesar a er la.

Daniel 3:7 Iomraidhean Croise

Yeremia 51:7

Babilon vande lun iyongo i zenaria sha uwegh ku TER, i i na tar cii u hunde la; akuraior ma wain na, nahan akuraior hunde.

Daniel 2:46

Tsô tor Nebukadinesar gure kuma ishigh inya, ta Daniel inya, a shi a kaa er, i̱ va a nagh man akaahumandoon i̱ va na un.

Daniel 3:10

Tor, we u wa tindi wer, hanma or u nan ongo imo i kor man imar man molo man gbange man adiguve man ikpaimar, man hanma inja i ityougholough cii yô, nana̱ gure inya nana̱ sugh eev mbu zenaria mbula,

Daniel 3:4

Tsô oryôôn genger imo, kaa er: I wa ne tindi, ne ior man akuraior man ijô,

Daniel 3:5

shighe u nea ungwa imo i kor ma imar man molo man gbange man adiguve man ikpaimar man hanma inja i ityougholough cii yô, gure nen inya, sugh nen eev mbu zenaria mbu tor Nebukadinesar a er la;

Daniel 3:6

man aluer or nana gure inya, nana sugh mbu ga yô, á gbihi nan shin atô u atse a usu u yeghen ker la, hen shighe la je.

Daniel 3:8

Tsô, hen shighe la je, Mbakaldi mbagenev va, va yila Mbayuda ijir.

Aerenakaa A Mbaapostoli 14:16

Wen u sha ayange a a kar la, A de akuraior cii a zenden sha igbenda i a la.

1 Yohane 5:19

Se fa se due ken Aôndo, kpa tar cii ngu sha ikev i Orbo.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.

Mpase U Yohane 13:14

I lu tsughun ior mba ve tem shin tar sha uivande mba i ne i u eren sha ishigh ki inyam i hiihii la, i kaa a ve er ve̱ er eev mbu inyam i i gber i sha sanker kpa i lu uma her la.

Mpase U Yohane 13:3

Ityough ki mômough ken ityouv mbi i yô, lu er i gber ki, er kia kpe nahan; kpa ivav i i mgbôghom a ku la i bee. Tar cii dondo inyam la, kpiligh ior iyol a i,

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 17:8

Inyam i u nenge a mi la ngise lu kpa hegen kera ngi ga, ngi sôôn u duen shin ihungwa i i ze kweng la karen zan ken mtim. Mba ve tem shin tar, mba hii sha igbetar la je i nger ati a ve ken ruamabera u uma ga la, á kpiligh ve iyol a inyam la er ngise i lu kpa hegen i kera lu ga, kpa shi ia va lu la.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.