Daniel 3:26 - ICIGHAN BIBILO

²⁶ Nahan Nebukadinesar kporom ikua hen hunda u atse a usu u yeghen ker la, a ôr kwagh a kaa er: We, Saderaki man Meshaki man Abedi-nego, ne mbayev mba Aôndo Uhembansha cii, due, va nen heen. Tsô Saderaki man Meshaki man Abedi-nego ve due ken atô u usu la.

Daniel 3:26 Iomraidhean Croise

Genese 14:18

Tsô Melkisedeki tor u Salem za va a bredi man wain, un lu zegepristi u Aôndo Uhembansha.

1 Utor 8:51

gadia ka ior Ou je, ka dyako Wou kpaa u U due a mi ken tar u Igipiti, ken atô u usu u adum;

Esera 5:11

Ve gema ve kaa a vese er: Se mba mbayev mba Aôndo u Sha man tar, se mba maan iyou i lu i maa i anyom kar kpishi la, i zegetor u Iserael ugen lu maa i, kure kpaa la.

Upasalmi 66:12

U na ior Wer, ve̱ zende se sha ityou; se kar ken usu kua shin mnger, kpa U due a vese, U va a vese ken ijiir i akaa a ngee her yô.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yeremia 11:4

a M ôr uter enev sha iyange i M due a ve ken tar u Igipiti, shin adum u soughon iyôgh la, M kaa Mer: Ungwa nen imo Yam, er nen er M we ne kwagh nahan cii; ka nahan man né hingir ior Av ye, Mo kpaa Me lu Aôndo wen;

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 3:17

Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 4:2

M nenge doo u me pase ikav man akaakpilighyol a Aôndo Uhembansha cii A erem yô.

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Daniel 6:21

Tsô Daniel gema kaa a tor er: Tor a̱ lu uma gbem.

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Aerenakaa A Mbaapostoli 16:17

Tsô er un a lu van ken ijime i Paulu a vese imôngo yô, a yila sha imo i taver, a kaa er: Ior mban ka mbatomov mba Aôndo Uhembansha je, man mba pasen ne gbenda u myom.

Aerenakaa A Mbaapostoli 16:37

Kpa Paulu kaa a ve er: Se mba se lu Mbaromanu je yô, ve gbidye se ken igbar, ve haa se ken gaadi, ijir tsô kpaa i ôr se ga, man hegen yô, mba nan se gbenda myere? Mayange ga, ve̱ va dugh se.

Aerenakaa A Mbaapostoli 27:23

Gadia hen tugh mbun je ortyom u Aôndo u m lu u Na, m civir Un kpaa la, a va tile a mo.

Mbagalatia 1:10

Nahan ka ior m lu sendegh a ve hegen shin ka Aôndo? Shin ka ior m lu nôngon u doon ityough a ve ase? Aluer mea lu nôngon u doon ityough a ior heregh yô, ma m kera lu kpan u Kristu je ga.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Yosua 3:17

Upristi mba ve tee areki u ikuryan u TER, tile dông sha tareghnyaagh shin atô u Yordan, tsô Mbaiserael cii per sha tareghnyaagh zan zan ior cii per Yordan bee ca ca.

Yosua 4:10

Gadia upristi mba ve tôô areki la, ve tile her atô u Yordan zan zan i kure kwagh u TER kaa a Yosua er a̱ ôr ior la cii, sha kwagh u Mose kaa Yosua sha mi cii la; ior kpaa per fefa.

Mpase U Yohane 19:5

Imo kpaa due ken ikônough ki torough kila kaa er: Wuese nen Aôndo wase, ne mbatomov Nav cii, ne mba ne cie Un ne, mbakiriki kua mbavesen cii.