Daniel 3:17 - ICIGHAN BIBILO

¹⁷ Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 3:17 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 18:14

Ma kwagh u kpilighyol u hemban TER ngu jee? Me hide hen a we sha shighe u i ver la, hen shighe ne nahan, Sara una lu a wan ave.

Yobu 34:29

Aluer Wen Una huan yô, ka anti je nana na ibo? man aluer Una yer ishigh Nagh yô, ka anti nana nenge a Na— shin a lu ikurior, shin a lu or môm kpaa, ve imôngo cii—

Yobu 5:19

Una yima u ken atsan ataratar kpaa; een, ken ataankarahar je kpaa, ifer ia bende a we ga.

Upasalmi 115:3

Aôndo wase yô, ngu Sha, ka A er hanma kwagh u i doo Un u eren yô.

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 37:40

TER wese ve, shi wer ve, wer ve sha ikev i mbaaferev, yem ve, gadia mba yeren her a Na. Ka Pasalmi u Davidi sha nagh ku m-umbur

Upasalmi 73:20

Er mnyam ma cien ma lu nahan, zum u or ka nan nder kera la, kape, Tere, zum u U mough sha yô, U laha mlu ve la.

Yesaia 12:2

Nenge, ka Aôndo A lu myom wam ye; me suur sha a Na me cia ga; gadia TER AÔNDO ka agee am kua icam yam man shi A hingir myom wam kpaa.

Yesaia 54:14

Ka sha perapera ú tile taveraa ye; fa er u gbe ica a mkighir u sha ican yô, gadia gba u ú cia ga; man u gbe ica a kwagh u tan mciem iyol kpaa, gadia una sosom a we ga.

Yeremia 1:8

De cie ve ga; gadia M ngu a we sha u yiman we, kape TER A kaa ne.

Yeremia 15:20

Me gema u, ú hingir ior mban er gilgar u taver u iyôgh ki togula nahan; vea nôngo ityav a we, kpa vea hemba u ga, gadia M ngu a we sha u waren we man u yiman we, kape TER A ne.

Yeremia 15:21

Me yima u sha ikev i mbaaferev, man Me paa u sha ikev i mbacieryol.

Daniel 3:26

Nahan Nebukadinesar kporom ikua hen hunda u atse a usu u yeghen ker la, a ôr kwagh a kaa er: We, Saderaki man Meshaki man Abedi-nego, ne mbayev mba Aôndo Uhembansha cii, due, va nen heen. Tsô Saderaki man Meshaki man Abedi-nego ve due ken atô u usu la.

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Daniel 6:16

Nahan tor na zwa, i va a Daniel, i gbihi un shin ihungwa i ubegha. Kpa tor ôr kwagh a Daniel kaa er: Aôndo wou u u civir Un gbem la, A̱ yima u.

Daniel 6:23

Nahan tor ember tsung, a kaa er, i̱ dugh Daniel shin ihungwa kera. Nahan i dugh Daniel shin ihungwa, ve zua un a iyolvihin mape je ga, sha ci u a suur sha Aôndo na yô.

Daniel 6:27

Ka A yima man shi a war, man A er akav man akaa a kpilighyol sha kwavaôndo kua shin tar kpaa, Wen u A yima Daniel ken agee a ubegha la.

Mika 7:7

Kpa mo yô, me ver ashe hen TER, me kegh Aôndo u myom wam; Aôndo wam kpaa Una ungwam.

Luka 1:37

Gadia ma kwagh môm u a hembe Aôndo u eren un yô, ngu ga.

Aerenakaa A Mbaapostoli 20:24

Kpa her a mo yô, m wa uma wam iko ga, ngum er ka ma kwagh u ikoogh ga, sha u me kure zende wam man tom u m ngohol hen Ter la kpaa, ka u me pase Loho u Dedoo u sha mhôônom ma Aôndo la.

Aerenakaa A Mbaapostoli 21:13

Tsô Paulu gema kaa er: Ka nyi ne eren, ne vaan, ne nem ishima i yinan nahana? Gadia mo yô, m vande kohol iyol, ka sha ci u i̱ kangem a kange tseegh ga, kpa zan zan ku je kpaa, me kpe ken Yerusalem, sha ci u iti i Ter Yesu.

Mbaromanu 8:31

Nahan sé kaa nana sha akaa ne? Aluer Aôndo ta ikaa ken vese yô, ka an je shi nana hendan kwagh a vese?

2 Mbakorinte 1:10

Un u A yima se sha imbaku i vesen ne shi Una yima se kpaa la, ka sha a Na je se veren ishima se lu keghen ser, shi Una yima se kpaa ye.

Mbaheberu 7:25

Nahan yô, mba ve lu van hen Aôndo ve karen hen Na yô, Un fatyô u yiman ve been cii, gadia ngu lun uma gbem sha u Una er msen sha ci ve yô.

1 Samuel 17:37

Davidi shi kaa er: TER u lu yimam sha ikev i begha man sha ikev i dwem la, shi Una yimam sha ikev i Orfiliti ne kpaa, Nahan Saulu kaa a Davidi er: Yô, za, TER A̱ lu a we.

1 Samuel 17:46

TER Una na u sha ikev yam nyian; me hemba u, me gber u ityough; shi me gema akom a ikumior i Mbafiliti me na inyon i i purugh sha kua inyamtoho nyian, sha er tar cii u̱ fa er Aôndo A lu ken Iserael yô;