Daniel 3:15 - ICIGHAN BIBILO

¹⁵ Hegen yô, aluer né wa ago iyol sha shighe u né ungwa imo i kor man imar man molo man gbange man adiguve man ikpaimar man hanma inja i ityougholough cii yô, man né gure inya, né sugh eev mbu m er la yô, doo; kpaa aluer né sugh mbu ga yô, á gbihi ne ken atô u atse a usu u yeghen ker la, hen shighe la je: ka hanma aôndo je una yima ne sha ikev yama?

Daniel 3:15 Iomraidhean Croise

2 Utor 18:35

Mbaaôndo mba ityar la cii, ka hanmô je a yem tar na sha ikev yama, ve TER Una yima Yerusalem sha ikev yama?

Ekesodu 32:32

Hegen yô, ma U shi de ve isholibo ve, man aluer ka nahan ga yô, esem ken ruamabera Wou u U nger la kera tsô.

Ekesodu 5:2

Kpa Farao kaa er: Ka an nan lu TER je, u me ungwa imo Na me de Iserael una yemee? M fa TER ga, man den yam Iserael mer, a̱ yem je ga.

Yesaia 37:23

Ka an je u laha nan, man u toho nan kpaa? Man ka an je u hagher sha nan sha kwaghôrono, u kenden ashe sha sha ihagher kpaa? Ka sha Icighan u Iserael je.

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 2:9

aluer né pasem mnyam man ga yô, tindi ngu sha a ven môm tsô; gadia ne zua zwa ner, né ôrom kwagh u aiegh man u icughugh, zan zan kwagh á va gema kposo; nahan yô, kaam nen mnyam man, nahan mo kpaa me fa mer, ne fatyô u pasen mo inja i ma.

Daniel 3:17

Aluer Aôndo wase u se civir Un la Una fatyô u yiman se yô, Una yima se ken atse a usu u yeghen ker la kua sha ave ou kpaa, tor.

Daniel 6:16

Nahan tor na zwa, i va a Daniel, i gbihi un shin ihungwa i ubegha. Kpa tor ôr kwagh a Daniel kaa er: Aôndo wou u u civir Un gbem la, A̱ yima u.

Daniel 6:20

Za ar hen ihungwa la yô, a yila Daniel sha imo i mlia; tor ôr kwagh, kaa a Daniel er: We, Daniel, wanakiriki u Aôndo u uma, Aôndo wou u u civir Un gbem la, A fatyô u yiman we sha ikev i ubegha kpa?

Mateu 10:19

Kpa shighe u vea za a ven nahan yô, asema a̱ de nyian ne sha kwagh u né kaa ga, gadia hen shighe la je á na ne kwagh u né ôr yô.

Mateu 27:43

A lu suur sha Aôndo; yô, A̱ yima Un hegen, aluer a doo Un a Na yô, gadia kaan er, Un ngu Wan u Aôndo je.

Marku 13:11

Kpa zum u vea za a ven sha u ôron ne ijir yô, asema a̱ de vanden nyian ne sha kwagh u né za ôr ga. Kpa kwagh u á na ne hen shighe la yô, ka un je né ôr ye; gadia ka ne né ôr kwagh ga, kpa ka Icighan Jijingi je.

Luka 12:11

Man shi zum u vea va a ven hen ushinagoge man hen mbatarev yô, asema a̱ de nyian ne sha inja kwaghôron u né ôr shin sha kwagh u né kaa ga;

Luka 13:9

aluer una ume atam inyom i i lu van ne yô, doo; aluer una ume ga yô, ú gba gberen kera tsô.

Aerenakaa A Mbaapostoli 4:19

Kpa Peteru man Yohane gema kaa a ve er: Aluer a lu vough sha ishigh ki Aôndo u sé hemba wan ne iko a Aôndo yô, kaa nen ase!

Aerenakaa A Mbaapostoli 5:29

Kpa Peteru man mbaapostoli mbagenev gema kaa er: Ka u sé hemba ungwan imo i Aôndo keng a imo i ior.

Aerenakaa A Mbaapostoli 6:15

Tsô mba ve lu ken mkohol la cii ve haa ashe sha a na, ve nenge ishigh nagh yô, ki lu er ka ishigh ki ortyom u Sha nahan.