Daniel 2:47 - ICIGHAN BIBILO

⁴⁷ Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 2:47 Iomraidhean Croise

Genese 41:39

Farao gema kaa a Yosev er: Er Aôndo A tese u akaa ne cii, nahan yô, ma or u tsôngon ishima fan kwagh er we nahan ngu ga;

2 Utor 5:15

Tsô a hide hen or u Aôndo, un a ior nav cii, a va, a va tile sha ishigh nagh; a kaa er: Nenge, hegen m fa Aôndo ugen ngu sha won ga saa ken Iserael; yô, shi ngohol iwua hen wanakiriki wou.

Yobu 12:19

Ka A bugh upristi akondo iyol, A yem a ve kera, shi A zôhô mbaageev.

Upasalmi 136:2

Wuese nen Aôndo u mbaaôndo, gadia erdoo Na ka u tsôron gbem sha won.

Upasalmi 136:3

Wuese nen Ter u uter, gadia erdoo Na ka u tsôron gbem sha won.

Upasalmi 72:11

Utor cii vea gure un inya; akuraior cii aa er un tom.

Upasalmi 82:1

Aôndo ngu tilen ken mkohol u Aôndo; ngu ôron ijir hen atô u mbaaôndo.

Upasalmi 96:4

Gadia TER hemba cii, A kuma iwuese kpishi je, A hemba cier iyol a mbaaôndo mbagenev cii.

Esekiel 26:7

Gadia Ter AÔNDO ngu kaan nahan er: Nenge, Me va a Nebukadinesar tor u Babilon, tor u utor, sha imbusutarimese Mer, a̱ va ta num sha Tiru a anyinya man akekeautya man mbaanyinyav, ikumutya man ior kpishi.

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 2:19

Tsô i pase Daniel kwaghmyer ne ken mpase u sha mnenge, tugh. Nahan Daniel wuese Aôndo u Sha,

Daniel 2:22

Ka Un A pasen akaacimin man a ken myer ye; A fa kwagh u a lu ken ime, iwanger ngi tem a Na.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:29

We tor, mbamhen ou mba u hen sha gambe wou lu sha kwagh u una va er ken hemen; Wen u A pasen kwaghmyer la, A pase u kwagh u una va er yô.

Daniel 2:30

Mo yô, i pasem kwaghmyer ne, ka sha ci u ma kwaghfan u a lu ken a mo hemba u hanma orgen ga, kpa ka sha u i̱ pase tor inja i ma, man sha u u̱ fa mhen u ken ishima you la.

Daniel 2:37

We tor, u ngu tor u utor je, ka Aôndo u Sha A ne u tor, man tahav man agee man icivir ye,

Daniel 3:15

Hegen yô, aluer né wa ago iyol sha shighe u né ungwa imo i kor man imar man molo man gbange man adiguve man ikpaimar man hanma inja i ityougholough cii yô, man né gure inya, né sugh eev mbu m er la yô, doo; kpaa aluer né sugh mbu ga yô, á gbihi ne ken atô u atse a usu u yeghen ker la, hen shighe la je: ka hanma aôndo je una yima ne sha ikev yama?

Daniel 3:28

Nebukadinesar ôr kwagh, kaa er: I̱ wuese Aôndo u Saderaki man Meshaki man Abedi-nego, u A tindi ortyom Na, a va yem mbayev Nav, mba ve suur sha a Na, ve we tindi u tor iko ga, ve na ayol a ve sha u civir ma aôndo ugen sughun un ga, saa Aôndo ve tseegh yô.

Daniel 3:29

Nahan yô, m wa hanma ior man ikurior man zwa tindi mer, or u nana ôr kwagh dang sha Aôndo u Saderaki man Meshaki man Abedi-nego ne yô, á paa nan avur avur, á gema ya u nan á hingir tihi u ihôgh; gadia ma aôndo ugen ngu u una fatyô u yiman or sha imbakwagh ne nahan ga.

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Daniel 5:11

Orgen ngu ken tartor wou u jijingi u uicighanmbaaôndo a lu ken a na yô; sha ayange a teru la, i zua a iwanger man mkav man mfe, inja er mfe u mbaaôndo nahan ken a na; nahan tor Nebukadinesar teru ver un orvesen u mbaahiriv man mbaasorov man u Mbakaldi man mbatsenganôron akaa; ka teru je, tor.

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

1 Mbakorinte 14:25

akaa a myer a ken ishima i nan aa hingir ken igbar, nana kuma ishigh inya nana wuese Aôndo, nana pase er, mimi je Aôndo ngu ken a ven.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

1 Timoteu 6:15

Kwagh ne yô, ka Un u ageegh tswen u i wuese Un la, Tor u utor man Ter u uter kpaa, Una va pase un er shighe á va kuma vough yô.

Yosua 22:22

TER, Aôndo u mbaaôndo! TER, Aôndo u mbaaôndo! Un yô, A fa, man Iserael kpaa una fa; aluer ka sha mhendan shin sha tindi u peren u TER yô, de yem se nyian ga!

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.