Daniel 2:46 - ICIGHAN BIBILO

⁴⁶ Tsô tor Nebukadinesar gure kuma ishigh inya, ta Daniel inya, a shi a kaa er, i̱ va a nagh man akaahumandoon i̱ va na un.

Daniel 2:46 Iomraidhean Croise

Esera 6:10

sha u ve̱ naan Aôndo u Sha iniav mbi human doon man ve̱ eren msen kpaa sha ci u uma u tor kua u ônov nav.

Daniel 3:5

shighe u nea ungwa imo i kor ma imar man molo man gbange man adiguve man ikpaimar man hanma inja i ityougholough cii yô, gure nen inya, sugh nen eev mbu zenaria mbu tor Nebukadinesar a er la;

Daniel 3:7

Nahan, hen shighe u ior cii ve ongo imo i kor man i mar man molo man gbange man adiguve man hanma inja i ityougholough cii yô, ior man akuraior man ijô cii, ve gure inya, ve sugh eev mbu zenaria mbu tor Nebukadinesar a er la.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Levitiku 26:31

Me gema agar a en á hingir atse, Me vihi uicighanmbaajiiriv enev kera; Me ungwa ihuma i kwaghhumandoon wen la ga.

Luka 17:16

a va gba inya a cir ishigh inya hen angahar a Na; ngula yô, lu or u Samaria je.

Aerenakaa A Mbaapostoli 10:25

Tsô Peteru va nyer yô, Korneliu za kegh un gbenda, gure un inya sha ishi, ta un inya.

Aerenakaa A Mbaapostoli 14:13

Tsô pristi u Seuse u tempel na lu sha hunda u gar la, kôr anomabua man akaver a i er a sha uikparen mba ahuuv, a va a mi hen ihindagar, lu un ka ma un ne nagh ku sôngon, wen a ikpelaior imôngo.

Aerenakaa A Mbaapostoli 28:6

Kpa ve lu henen er, á va mura, gayô, una gba va gbidyen inya, kpen tsô. Ve tamber gbang, kpa ve nenge ma kwagh er un ga, nahan ve gema imo ken ityou ve kaa er: Ka ma aôndo je.

Mpase U Yohane 11:16

Tsô mbatamen mba ikundu kar unyiin mba ve tema sha mkônom vem ma torom sha ishigh ki Aôndo la gba inya ve cir ishiv vev inya, ve civir Aôndo,

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.

Mpase U Yohane 22:8

Mo Yohane ne, ka mo m ongo shi m nenge akaa ne kpaa ye. Zum u m ungwa shi m nenge a yô, m gba inya m cir ishigh inya hen angahar a ortyom u Sha u a lu tesen mo akaa ne.