Daniel 2:45 - ICIGHAN BIBILO

⁴⁵ vough er u nenge iwen bugh sha uwo, ave a or bende sha mi ga, i va hembe iyôgh avur avur kua togula man inyatyuu man azurfa man zenaria nahan. Aôndo u hemban la pase tor kwagh u una va er ken hemen yô; mnyam mara ka kwagh u keng, inja i ma kpaa ka mimi je.

Daniel 2:45 Iomraidhean Croise

Genese 41:26

Abua a dedoo a ataankarahar la, ka anyom ataankarahar je la; asagher a alakema a ataankarahar a dedoo la kpaa, ka anyom ataankarahar je la; mnyam man ma inja i môm tsô.

Genese 41:28

Ka kwagh u m kaa Farao je la mer: Kwagh u Aôndo A we ishima u eren yô, A pase Farao.

Genese 41:32

Er i kimbir Farao mnyam mara kwa har yô, ka sha ci u Aôndo A we ishima er Una er kwagh la kpee je yô, man Una er fefa kpaa.

2 Samuel 7:22

Ka nahan man U hembe ye, TER Aôndo, or u kuman sha a We nan ngu ga, ma Aôndo ugen kpaa ngu ga, saa We, sha akaa a se ongo sha ato ase cii.

1 Kroniku 16:25

Gadia TER hemba cii, A kuma iwuese kpishi je; A hemba cier iyol a mbaaôndo mbagenev cii.

Nehemia 4:14

M nenge, nahan m mough, m kaa a mbatamen man mbatarev man ior mbagenev, mer: De cie nen ve ga; umbur nen TER u A hembe A cier iyol la, nôngo nen ityav sha ci u anmgbianev enev man ônov enev mba nomso man mba kasev man kasev enev kua uya enev.

Nehemia 9:32

Yô, Aôndo wase, u hemban, u ageegh, u cier iyol, u wan ikuryan man erdoo iko; ican ne cii i̱ de luun kwagh u kiriki sha ishigh You ga, ican i i tser se a utor asev man atiator a ase man upristi asev man uprofeti asev man uter asev kua ior Ou cii la, hii sha ayange a utor mba Ashiria je zan zan nyian ne.

Yobu 36:26

Nenge, Aôndo gba ikôr je, gande mfe wase; iyenge i anyom Na gande u tôvon fan.

Upasalmi 135:5

Gadia mo m fa er TER A hembe lun a icivir cii, man er Ter wase A hembe mbaaôndo mbagenev cii kpaa yô.

Upasalmi 145:3

TER hemba cii, A kuma iwuese kpishi je, icivir Na kpaa gande u kaven.

Upasalmi 2:9

Ú her ve sha tôgh ku iyôgh; Ú hembe ve avur avur er gbande u ormaantyegh nahan.

Upasalmi 48:1

TER hemba, A kuma iwuese kpishi je, ken gar u Aôndo wase, sha icighanwo Na!

Upasalmi 96:4

Gadia TER hemba cii, A kuma iwuese kpishi je, A hemba cier iyol a mbaaôndo mbagenev cii.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Daniel 2:24

Nahan Daniel za hen Arioki, u tor ver un er, a̱ tim mbafankwagh mba Babilon la; a kaa a na er: De kera timin mbafankwagh mba Babilon ga; za a mo hen tor; me pase tor inja i ma.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:29

We tor, mbamhen ou mba u hen sha gambe wou lu sha kwagh u una va er ken hemen; Wen u A pasen kwaghmyer la, A pase u kwagh u una va er yô.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 8:25

Sha atseregh a na la una na ayom aa za hemen sha ikev na; una kende iyol na sha ken ishima na, man una bur a bur ior kpishi una tim ve kera, shi una hendan a Tor u utor kpaa; kpa á sombo un, á kera lu sha ave a or ga.

Hagai 2:22

Me yôhôl ikônough ki torough ki ityartor, Me tim tahav mbu ityartor i akuraior kera; Me zôhô akekeautya a mbaunden sha mi la; anyinya man mbahendan a, vea haa inya, hanmô sha sanker u anngô u nan.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mateu 21:24

Yesu gema kaa a ve er: Mo kpaa Me pine ne kwagh môm tsô, aluer nea kaam yô, Mo kpaa Me kaa ne tahav mbu M eren akaa ne sha mi yô.

Mateu 24:35

Sha man tar vea kar kera, kpa akaaôron Am yô, aa kar kera mayange ga.

Luka 17:20

Er Mbafarishi pine Un shighe u tartor u Aôndo ua va yô, A gema A kaa a ve er: Ka sha mnenge u sha ashe man tartor u Aôndo u ve ga.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

Mpase U Yohane 1:19

Nahan nger akaa a u nenge a mi yô, a a lu hegen man a aa va er ken hemen la kpaa.

Mpase U Yohane 19:17

Shi m nenge ortyom u Sha tile sha iyange, lu yilan inyon i purugh sha kwavaôndo cii sha zegeimo er: Va kohol nen hen zegeiniongo u Aôndo ne,

Mpase U Yohane 4:1

Ken masetyô u akaa ne yô, m ver ashe, yô, nenge, hunda lu Sha, lu ivegher. Man imo i hiihii i m ungwa er ka ikpamkor nahan la yô, i ôr kwagh a mo i kaa er: Kôndo sha heen, me tese u akaa a aa er ken masetyô u angan keng yô.