Daniel 2:4 - ICIGHAN BIBILO

⁴ Tsô Mbakaldi ôr kwagh a tor, ve kaa er: (ken zwa u Aram) Tor a̱ lu uma gbem sha won! Ôr mbayev ou mnyam mara, nahan se kpaa sé pase u inja i ma.

Daniel 2:4 Iomraidhean Croise

Genese 31:47

Laban ii un iti er Yegar-sahaduta; kpa Yakob yô, ii un iti er Galedi.

Genese 41:8

Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

1 Utor 1:25

Gadia nyian a sen, a sôngo ibua man ilev mbi kehen kua iyôngo kpishi, a lôhô ônov mba tor cii, man mbahemenev mba utyav kua pristi Abiatar; nenge, mba yan akaa, man akaa, sha ishigh nagh, mba kaan er: Tor Adoniya a̱ tsa sha won!

1 Utor 1:31

Nahan Batesheba ngurum wa ityough inya, a sugh tor, a kaa er: Terem tor Davidi a̱ tsa sha won gbem.

2 Utor 18:26

Tsô maa Eliakim wan u Hilkia man Shebena kua Yoa, ve kaa a Rabeshake er: Ma u shi ôr kwagh a mbayev ou ken zwa u Shiria, gadia se mba ongo u; de kera er kwagh a vese ken zwa u Mbayuda sha ato a ior mba ve lu sha gilgar ne ga.

Esera 4:7

Tsô sha ayange a Artashaseta la, Bishelam man Miteredati man Tabeel kua ahur a na agen, ve nger Artashaseta tor u Pershia kwagh; i nger washika la sha injangeren i Shiria, shi i gema un ken zwa u Shiria kpaa.

Nehemia 2:3

M kaa a tor mer: Tor a̱ tsa sha won gbem; á er nan man ishigh yagh kia vihi sha ga, er gar u iwar i uter av i lu ker la, a gem a hingir ice, ihinda na kpaa i hie kera nahana?

Yesaia 36:11

Tsô maa Eliakim man Shebena man Yoa ve kaa a Rabeshake er: Ma u shi er kwagh a mbayev ou ken zwa u Shiria, gadia se mba ongo u, kpa de kera er kwagh a vese ken zwa u Yuda sha ato a ior mba ve lu sha gilgar ne ga.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Daniel 1:4

mbayevikaior mba ve lu a ihogholough iyol ga, mbadoonashe, mba ve vie sha hanma gbenda u mfe, mbalun a kwaghfan, man mbakaven akaa, mba ve kom u eren tom ken iyou i tor, sha u una tese ve ingeren man zwa u Mbakaldi yô.

Daniel 2:7

Ve shi ve kaa sha kwa har la er: Tor a̱ ôr mbayev nav mnyam ma shonov, nahan sé pase un inja i ma.

Daniel 3:9

Ve ôr kwagh a tor Nebukadinesar, ve kaa er: Tor a̱ lu uma gbem.

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:7

Tsô mbaahiriv man mbaasorov man Mbakaldi man mbatsenganôron akaa, ve nyôr, tsô m ôr ve mnyam ma shonom, kpa ve pasem inja i ma ga.

Daniel 4:9

We Belete-shasar, orvesen u mbaahiriv, m fa jijingi u uicighanmbaaôndo ngu ken a we, man ma kwagh u myer u zan we iyol kpaa ngu ga; yô, ôrom mbampase mba sha mnenge mba m nenge a mi ken mnya, kua inja ve.

Daniel 5:10

Torkwase va nyôr ken iyou i iniongo sha ci u kwaghôron u tor man mbatarev nav la; nahan torkwase ôr kwagh kaa er: Tor a̱ lu uma gbem sha won; mbamhen ou ve̱ de te u mciem iyol ga, mluashe u ishigh you kpaa a̱ de gem kposo ga.

Daniel 5:8

Nahan mbafankwagh mba tor cii ve nyôr; kpa ingeren la yô, ve fatyô u ôron i ga, shin u pasen tor inja i i kpaa ga.

Daniel 6:21

Tsô Daniel gema kaa a tor er: Tor a̱ lu uma gbem.

Daniel 6:6

Nahan mbahemenev man mbatarev mban zua hen tor, ve kaa a tor er: Tor Dariu a̱ lu uma gbem sha won!

Daniel 6:7

Mbahemenev mba ken tartor ne cii; uityombaiorov man mbatarev man mbawasenmhen man ugomna ve hen imôngo er, tor a̱ wa tindi, a̱ ta icin taveraa zan zan ayange ikundugber, er hanma or u nana sôn kwagh hen ma aôndo shin ma or, á kera lu her a we ga yô, tor a̱ gbihi nan shin ihungwa i ubegha.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

1 Samuel 10:24

Tsô Samuel kaa a ior cii er: Ne nenge or u TER A tsough ne zee? Ma or u kuman sha a na nan ngu ga. Nahan ior cii genger imo kaa er: Tor a̱ lu uma!