Daniel 2:37 - ICIGHAN BIBILO

³⁷ We tor, u ngu tor u utor je, ka Aôndo u Sha A ne u tor, man tahav man agee man icivir ye,

Daniel 2:37 Iomraidhean Croise

1 Utor 4:24

Gadia a tema tor yande Ifi keen cii, hii hen Tifesa zan zan za ar hen Gasa, sha utor mba yande Ifi keen cii; man a lu a bem hanma ijiir i i kase un cii.

2 Utor 25:28

a ôr kwagh a na dedoo, a kende ikônough nagh ki torough sha hemba mkônom ma torom ma utor mba ve lu a na ken Babilon la.

2 Kroniku 36:23

Shirushi tor u Pershia ngu kaan nahan er: TER, Aôndo u Sha, nam ityartor i sha won cii, man A kaa er, M̱ maa Un iyou ken Yerusalem u a lu ken Yuda la. Yô, hanmô wen u nan lu u ken ior Nav cii yô, TER, Aôndo u nan, A̱ lu a nan, nana̱ mough, nana̱ yem keregh.

Esera 1:2

Shirushi tor u Pershia ngu kaan nahan er: TER, Aôndo u Sha nam ityartor i sha won cii, man shi A kaa er, m̱ maa Un iyou ken Yerusalem, u a lu ken Yuda la.

Esera 7:12

Artashaseta tor u utor, u zan hen pristi Esera, orngeren, u fan atindi a Aôndo u Sha, or u jighilii.

Upasalmi 62:11

Aôndo ôr kwagh, kwa môm, kwa har je kpaa, m ungwa nahan, mer: Agee yô, ka Aôndo A lu a mi ye;

Anzaakaa 8:15

Ka sha a mo utor ve tem tor, man mbatarev kpaa ve kur ajir ye.

Yesaia 10:8

Gadia a kaa er: Atiator am cii ka utor gaa?

Yesaia 47:5

Tema ving, yem ken ime, we, wankwase u Mbakaldi, gadia á kera yila u er, kpamkwase u ityartor ga.

Yeremia 28:14

Gadia TER u akum a Sha, Aôndo u Iserael ngu kaan nahan er: M har igbur i iyôô sha mon u akuraior ne cii, sha u a̱ er Nebukadinesar tor u Babilon tom; vea lu sha ikev na; M shi M na un inyamtoho kpaa.

Yeremia 34:1

Kwaghôron ne due hen TER va hen Yeremia, zum u Nebukadinesar tor u Babilon, man akumautya na cii, man ityartor i sha won cii i i lu sha ikev na la, man ior cii, ve lu nôngon ityav a Yerusalem man a agar a na cii la, er:

Esekiel 26:7

Gadia Ter AÔNDO ngu kaan nahan er: Nenge, Me va a Nebukadinesar tor u Babilon, tor u utor, sha imbusutarimese Mer, a̱ va ta num sha Tiru a anyinya man akekeautya man mbaanyinyav, ikumutya man ior kpishi.

Daniel 1:2

TER gema Yehoyakim tor u Yuda na sha ikev na, kua ikav mbigenev mbi ken iyou i Aôndo kpaa; a kura mbi a yem a mi ken tar u Shinar ken iyou i aôndo na; a gema ikav mbila a koso ken iyou i aôndo na.

Daniel 2:31

We tor, u lu kenger, yô, nenge, zegeuee. Eev mbula taver ashe, iengem i mbu hemba cii, mbu tile u sha ishi; mluashe u mbu cier iyol.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 4:19

Tsô Daniel, u i yilan un er Belete-shasar la, tile ving, kondo un iyol, mbamhen nav cier un iyol. Nahan tor gema kaa er: We, Belete-shasar, de rumun mnyam shin mpase u ma a̱ cier we iyol ga. Belete-shasar gema kaa er: Terem, mnyam man ma̱ hide sha mba ve ker u ihom la, man mpase u ma kpaa sha mbaahendanev ou.

Daniel 4:22

ka we tor; u vese, u taver, gadia icivir you seer je ar sha, man tartor wou kpaa tser tar cii.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 4:3

Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 4:32

Á zenda u hen ior kera, ijiir you i teman la ia lu a inyamtoho imôngo; á na u ú ya toho er ibua nahan, ashighe aa kar u ataankarahar; zan zan ú fa er Uhembansha a lu a tahav sha tartor u ior yô, ka A gema u A na hanma or u i doo Un u nan nan yô.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 5:18

We tor, Aôndo Uhembansha na Nebukadinesar teru tartor man ivesen man icivir man shagba.

Daniel 7:14

I na Un tor sha won cii man icivir man tartor, sha u ior man akuraior man ijô cii ve̱ er Un tom; mtemtor Na ka mtemtor u tsôron, u una kar kera mayange ga, man tartor Na kpaa ka u timin kera mayange ga.

Hosea 8:10

Shin er ve kimbi akuraior agen inyaregh, nahan kpaa hegen Me kohol ve; vea hii u panden sha ci u ikav mbi yuhwan mbi tor u mbatarev a we ve la.

Mateu 6:13

man shi de ze a vese hen ape imeen i lu ga, kpa yima se sha ifer. (Gadia tartor ka u Wou kua agee man icivir kpaa, gbem sha won. Amen)

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:16

I nger iti sha riga Na man sha namegh Nagh er: Tor u utor man Ter u uter.

Mpase U Yohane 4:11

We, Ter Aôndo wase, U kuma u ngohol iengem man icivir man agee gadia U gba akaa cii man ka sha ishima You kpaa a lu, shi i gbe a kpaa ye.

Mpase U Yohane 5:12

ve lu kaan sha imo i taver er: Waniyôngo u i senge Un la kuma u ngohol agee man akaa a ngeen wuee man kwaghfan man mtaver man icivir man iengem man iwuese.