Daniel 2:34 - ICIGHAN BIBILO

³⁴ Er u lu kenger yô, nenge, iwen bugh, ave a or bende sha i ga, i va ta eev mbula sha akevangahar a a lu iyôgh nungwa inyatyuu la, hembe a avur avur.

Daniel 2:34 Iomraidhean Croise

Upasalmi 118:22

Iwen i mbamaan ve venda i la, ka i je, i hingir i sha zongo ye.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 60:12

Gadia ikurior vea tartor u ua er u tom ga yô, vea saa ishe, akuraior ngara á tim a purututu.

Yesaia 8:9

Ger nen ayôôso ne ior, i̱ kondo ne iyol; ver nen ato, ne mba ken ityar i icaa cii, ta nen akondo uya, i̱ kondo ne iyol, ta nen ikondo uya, i̱ kondo ne iyol.

Esekiel 32:28

We kpaa á sombo u ken atô u mbaipusuv, ú yav a mba i woo ve sha sanker la imôngo.

Esekiel 47:5

Shi a kar dubu, maa hingir ifi u m fatyô u peren ga, gadia mngerem va, hingir mngerem ma ôôn a ôô, ka ifi u or á fatyô u peren ga yô.

Daniel 2:33

ahambe-angahar a mbu lu sha iyôgh ki iligh, akevangahar a mbu lu sha iyô nungwa inyatyuu.

Daniel 7:27

Á gema tartor man mtemtor man ivesen i ityartor i sha won cii, á na nongo u icighanmbaiorov mba Uhembansha; tartor ve ka tartor u tsôron, man ityahav cii mbia er ve tom, mbia ungwa ve.

Daniel 8:25

Sha atseregh a na la una na ayom aa za hemen sha ikev na; una kende iyol na sha ken ishima na, man una bur a bur ior kpishi una tim ve kera, shi una hendan a Tor u utor kpaa; kpa á sombo un, á kera lu sha ave a or ga.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Mateu 16:18

Man M ngu kaan we Mer: We u ngu Peteru; ka sha vande ne je Me maa nongo Wam ye, ihinda i Hade ia hemba u agee ga.

YOHANE 1:13

ka mba i mar ve sha awambe ga, shin sha ishima i iyolough kpaa ga, shin sha ishima i or kpaa ga, kpa ka Aôndo je mar ve ye.

Aerenakaa A Mbaapostoli 4:11

Ngun ka iwen i ne mbamaan ne laha i, kpa i gema i, i hingir sha zongo yô.

2 Mbakorinte 5:1

Se fa tenti u shin tar ne u se tse ker ne, aluer á sough un kera kpaa, se mba a iyou i Aôndo, ka ya u tsôron u Sha u i maa un sha ave ga yô.

Mbaheberu 9:24

Gadia Kristu kera nyôr ken icighanjiir u i er sha ave a ior ga, u a lu eev mbu u mimi la kpaa ga, kpa lu Sha jim jim, sha u Una ande sha ishigh ki Aôndo sha ci wase,

1 Peteru 2:7

Kape A lu a inja her a ven ne, ne mba ne ne jighjigh ne. Kpa hen mbanan jighjigh ga yô, kwaghôron ugen ngu er: Iwen i mbamaan ve vende i la, ka i je i hingir i sha zongo ye,

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.