Daniel 2:30 - ICIGHAN BIBILO

³⁰ Mo yô, i pasem kwaghmyer ne, ka sha ci u ma kwaghfan u a lu ken a mo hemba u hanma orgen ga, kpa ka sha u i̱ pase tor inja i ma, man sha u u̱ fa mhen u ken ishima you la.

Daniel 2:30 Iomraidhean Croise

Genese 41:16

Yosev gema kaa a Farao er: Mo ga: Aôndo Una na imo sha u i̱ kpe Farao iyol yô.

Upasalmi 139:2

Mtem wam man mmough wam kpaa We U fa, U fa mhen wam ken ica je.

Yesaia 45:4

Ka sha ci u Yakob wanakiriki Wam man Iserael icuwan Wam, M yer sha iti you ye, M seer u iti i icivirigh, shin er u vande fan Mo ga nahan kpaa.

Daniel 1:17

Mbayevikaior mba unyiin mban, Aôndo na ve kwaghfan man mfe sha hanma takerada man hanma gbenda u mfe cii; man Daniel lu a mkav u mbampase mba sha mnenge man u mnyam ma cien kpaa.

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 2:49

Daniel ôr kwagh a tor, nahan tor ver Sedaraki man Meshaki man Abedi-nego mbatarev sha tiôntar u Babilon; Daniel yô, lu ken ya u tor.

Amoshi 4:13

Gadia nenge Wen u A er iwo man A gbe ahumbe, man A pasen or mhen u ken ishima i nan, Wen u A gem sev mbu hingir ime, u A zenden sha ajiir a taven a sha tar la, TER, Aôndo u akum a Sha, ka iti Na je la.

Mateu 24:22

Man ka er i pande ayange la kera yô, gayô, ma i yom ma or ga; kpa sha ci u uicuwanmbaiorov yô, á pande ayange la kera.

Marku 13:20

Ka er Ter A pande ayange la kera, gayô, ma i yom ma or ga; kpa sha ci u uicuwanmbaiorov mba A tsough ve yô, á pande ayange la kera.

Aerenakaa A Mbaapostoli 3:12

Tsô Peteru nengen nahan yô, a gema a kaa a ikpelaior er: Ne ior i Iserael, ka nyi kwagh ne a kpiligh ne iyol, man shi ka nyi ne hee ashe sha a vese er ka sha agee a ase ayol a ase, shin sha mciviraôndo wase man se er un ve a hingir u zendene?

Mbaromanu 8:28

Shi se fa mba Aôndo A doo ve ishima yô, akaa cii nga eren sha u i̱ lu ve a inja yô, ka ve mba i yer ve sha awashima Na la.

2 Mbakorinte 4:15

Akaa cii nga sha ci wen sha u mrumun u sha mhôôn a̱ seer sha ior kpishi man i̱ seer iwuese sha ci u icivir i Aôndo kpaa.