Daniel 2:27 - ICIGHAN BIBILO

²⁷ Daniel gema kaa sha ishigh ki tor er: Kwaghmyer u tor a pin la, mbafankwagh, shin mbaasorov, shin mbaahiriv, shin mbatsengan fan akaa kpaa, ve fatyô u pasen tor ga;

Daniel 2:27 Iomraidhean Croise

Genese 40:8

Ve kaa a na er: Mnyam cie se, man or u pasen se ma, nan ngu ga. Yosev kaa a ve er: Ka Aôndo A lu a mpase ye gaa? Ôrom nen ma yôô.

Genese 41:8

Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 44:25

M bundu uivande mba uprofeti mba aiev, M gem mbakpehenasor ve hingir abumeaior; M hir a mbafankwagh ijime, M gem kwaghfan ve a hingir ibumegh.

Yeremia 10:7

Ka an je nana cia U ga, We Tor u akuraioro? Gadia We U kuma; gadia mbafankwagh mba akuraior cii, kua icivir i utor vev cii, ma or môm ngu er We nahan ga.

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 4:7

Tsô mbaahiriv man mbaasorov man Mbakaldi man mbatsenganôron akaa, ve nyôr, tsô m ôr ve mnyam ma shonom, kpa ve pasem inja i ma ga.