Daniel 2:2 - ICIGHAN BIBILO

² Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 2:2 Iomraidhean Croise

Genese 41:8

Tsô sev mbu aven yô, hingir un ken ishima hang; a tindi er i̱ za yila mbaahiriv mba Igipiti kua mbafankwagh cii, ve̱ va; tsô Farao ôr ve mnyam nam; kpa mô ve môm u pasen Farao ma, lu ga.

Eseter 1:13

Tsô tor ôr kwagh a mbafankwagh mba fan ashighe, gadia kape i vaan a akaa a tor sha ishigh ki mbafan atindi kua ijirôron la;

Ekesodu 7:11

Tsô Farao yila mbafankwagh man mbaahiriv; ve mbaahiriv mba Igipiti kpaa ve er nahan sha ahir a ve.

Yesaia 19:3

Jijingi u Igipiti una vôr ken vanger. Me vihi awashima na kera, una hingir gbilin; vea hen kwagh a akombo man a mbayangenakombo man a ujijingi mba mbakpenev kua ujijingi mba tsengan pasen akaa.

Yesaia 8:19

Zum u vea kaa a ven er: Pine nen ujijingi mba mbakpenev kua mbatsenganpasen akaa kpaa, mba ve ndahar imo, ve er kwagh shin iker la–kera hemba doon u ior vea pine Aôndo ve gaa? Á pine mbakpenev kwagh sha ci u mbaumavaa?

Daniel 1:20

Sha hanma kwagh u kwaghfan man mkav, u tor a pin ve sha mi yô, a nenge ve hemba mbaahiriv man mbaasorov mba ken tartor na cii kwa pue.

Daniel 1:4

mbayevikaior mba ve lu a ihogholough iyol ga, mbadoonashe, mba ve vie sha hanma gbenda u mfe, mbalun a kwaghfan, man mbakaven akaa, mba ve kom u eren tom ken iyou i tor, sha u una tese ve ingeren man zwa u Mbakaldi yô.

Daniel 2:10

Mbakaldi gema kaa sha ishigh ki tor er: Ma or ngu sha won u nana fatyô u pasen kwagh u tor ne ga, gadia mayange ma tor u vesen u lun a tahav ngu a vande pinen orahir shin orishor shin Orkaldi imbakwagh ne nahan je ga.

Daniel 2:27

Daniel gema kaa sha ishigh ki tor er: Kwaghmyer u tor a pin la, mbafankwagh, shin mbaasorov, shin mbaahiriv, shin mbatsengan fan akaa kpaa, ve fatyô u pasen tor ga;

Daniel 3:8

Tsô, hen shighe la je, Mbakaldi mbagenev va, va yila Mbayuda ijir.

Daniel 4:3

Uivande Nav vese je! Akaakpilighyol a Na kpaa cier iyol; tartor Na ka tartor u tsôron gbem, tahav Nav kpaa mbu sha ikov ikov!

Daniel 4:6

Nahan, m wa tindi mer, i̱ va a mbafankwagh mba ken Babilon cii sha ishigh yagh, ve̱ pasem inja i mnyam mara.

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

1 Samuel 6:2

Tsô Mbafiliti yila upristi kua mbakpehenasor, ve pine ve er: Sé er a Areki u TER ne nana? Kaa nen se kwagh u sé er man sé hide a na hen ijiir na yôô?