Daniel 12:7 - ICIGHAN BIBILO

⁷ Tsô m ungwa or u haan ikondo i pupuu i kôngor u a lu sha sha mngerem ma ifim la, zum u a kende uwegh nagh ku yanegh man uwegh nagh ku imesegh sha yô, a bum Un u A lu uma gbem la, er: á lu shighe man ashighe man veghershighe; zum u vea vihi agee a icighanikurior kera ci ca yô, akaa ne cii aa kure sha min.

Daniel 12:7 Iomraidhean Croise

Yobu 27:2

Mimi je, er Aôndo A lu u uma, u A ngohol mo mimi kera, man Uhembanagee, u A er uma wam ican yum ne,

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Esekiel 20:5

man shi kaa a ve wer: Ter AÔNDO ngu kaan nahan er: Iyange i M tsuwa Iserael la, M bum a tsombor u ya u Yakob, man M pase iyol Yam her a ve ken tar u Igipiti, M bum a ve, Mer: Mo M ngu TER, Aôndo wen.

Daniel 10:5

yô, m kende ashe sha, m kenger; yô, nenge, or cir ikondo i pupuu i kôngor iyol, zer kwange u zenaria u Ufashi shin iwenge;

Daniel 11:13

Tor u ken imbusutarimese una hide, una va a ikpelaior igen, ia hemba i hiihii la; anyom aa kar yô, una va a ikumutya i vesen man ikav kpishi kpaa.

Daniel 12:6

Ugen kaa a or u haan ikondo i pupuu i kôngor u a lu sha sha mngerem ma ifim la, er: Shighe á kar nan je man mkur u akaakpilighyol ne una kuma?

Daniel 12:8

Tsô m ungwa, kpa m kav ga; nahan m kaa mer: Terem, mkur u akaa ne una lu nana?

Daniel 4:31

Er tor lu ôron kwagh ave la je, tsô, imo due Sha, kaa er: We, tor Nebukadinesar, ka we i ôr kwagh ne a we er: I dugh u tor ve.

Daniel 4:34

Tsô er ayange kar kera yô, mo Nebukadinesar m kende ashe am Sha, tsô mfe wam hide her a mo, m wuese Uhembansha, m sugh Un, shi m civir Un u A lu uma gbem sha won yô; mtemtor Na ka u tsôron gbem man tartor Na kpaa ka u sha ikov ikov cii;

Daniel 7:21

M nenge korough kun, ku nôngo ityav a uicighanmbaiorov, ku hemba ve;

Daniel 7:25

Una ôr akaavihin sha Uhembansha, una er uicighanmbaiorov mba Uhembansha ican; una ver ishima u geman ashighe man atindi, man á na ve sha ikev na zan zan shighe môm man ashighe man vegher u shighe.

Daniel 8:14

A kaa a mo er: Ka zan zan mbaaikighe man upepe dubu uhar man deri utar, man á sôr icighanjiir ye.

Daniel 8:24

Tahav nav mbua vese, kpa á lu sha tahav nav iyol na ga; una tim kwagh kera je á cier iyol, ikôr ia lagh un; una tim mbaageev kera, kua uicighanmbaiorov kpaa.

Luka 21:14

Nahan yô, ver nen ishima, de vanden henen nen sha kwagh u né za ôr ga;

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

Duteronomi 26:19

nahan Una kende u sha, ú hemba akuraior a A gbe a cii iwuese man gwa u zan man icivir, ú lu TER, Aôndo wou, icighanikurior er A kaa nahan.

Duteronomi 32:36

Gadia TER Una ôr ior Nav ijir sha mimi, mhôônom maa kôr Un a mbayev Nav, zum u Una nenge agee ve aa bee yô, man ma or kera shi ga, u ken uikangen shin u nan tem enger enger kpaa ga.

Duteronomi 32:40

Gadia M kende uwegh agh Sha, M ka mer: Er M lu u uma gbem sha won ne,

Duteronomi 7:6

Gadia we u ngu TER, Aôndo wou, icighannongo je; TER, Aôndo wou, tsuwa u ken akuraior a a lu sha won cii, er u̱ lu nongo Na jim.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.

Mpase U Yohane 12:14

Kpa i na kwase la akper a zegegafa er a̱ purugh a̱ kar sha ishigh ki iyô la kera a̱ yem ken ikôngo hen ijiir na ape á koso un á kuma shighe man ashighe man veghershighe.

Mpase U Yohane 12:6

Kwase la gema yevese yem ken ikôngo ape a lu a ijiir i Aôndo vande sôron sha ci na sha u á koso un her, á kuma ayange dubu man deri uhar man akunduatar.

Mpase U Yohane 13:5

Shi i na inyam la zwa sha u ôron uzegembaakaav kua ityuhwanev kpaa, shi i na i ian er i̱ eren tahav zan zan iwer akunduahar kar ihiar.

Mpase U Yohane 4:10

mbatamen mba ikundu kar unyiin la ve gba inya sha ishigh ki Un u A tem sha ikônough ki torough la ve civir Un u A lu uma gbem sha won la. Ve haa atsar a ve sha ishigh ki Un u A tem sha ikônough ki torough la ve kaa er:

Mpase U Yohane 4:9

Man hanma shighe u akaauma la a na iengem man icivir man iwuese hen Un u A tem sha ikônough ki torough A lu uma gbem sha won la yô,