Daniel 12:6 - ICIGHAN BIBILO

⁶ Ugen kaa a or u haan ikondo i pupuu i kôngor u a lu sha sha mngerem ma ifim la, er: Shighe á kar nan je man mkur u akaakpilighyol ne una kuma?

Daniel 12:6 Iomraidhean Croise

Upasalmi 74:9

Se nenge a akav a ase ga; profeti kpaa kera ngu ga; man ken a vese kpaa ma or fa er i shi ga.

Esekiel 9:2

Tsô nenge, ior ataratar za va sha gbenda u Hunda u Sha, u u ver ishigh sha imbusutarimese la, hanma or a ikagh nagh ki utya ken uwe; orgen lu a ve, cir akondo a pupuu iyol, lu a korough ku inki ku orngeren hen ikooso. Ve nyôr ve za tile hen kpe u atse a togula a nanden nagh sha mi la.

Daniel 12:5

Nahan mo Daniel m kenger, yô, nenge, mbagenev uhar tile, u môm hen kpeifi yande ne man ugen di ken kpeifi yande la.

Daniel 12:8

Tsô m ungwa, kpa m kav ga; nahan m kaa mer: Terem, mkur u akaa ne una lu nana?

Daniel 8:13

Nahan m ungwa icighanor lu ôron kwagh; man icighanor ugen gema kaa a u a lu ôron kwagh la er: Mpase u sha mnenge ne una lu ica ia gba nan je, sha kwagh u nagh ku nanden ku gbem la man mper u tindi u nan mtim sha u nan icighanjiir man ikum i Sha u shoghol angahar sha mi laa?

Daniel 8:16

M ungwa imo i or hen atô u ifi u Ulai, i kaa er: Gaberiel, na or ne a̱ kav mpase u sha mnenge ne.

Mateu 24:3

Tsô za tem sha uwo u Olev yô, mbahenen va her a Na, ve tseegh, ve kaa er: Kera kaa ase se yôô, ka hanma shighe man akaa ne aa ere? Man ka nyi ia lu ikav i sha mve Wou la man i mkurtara?

Marku 13:4

Kera kaa ase se yôô, ka hanma shighe man akaa ne aa ere? man ka nyi ia lu ikav, zum u á kuma u akaa ne aa ere?

Mbaefese 3:10

Ka sha u hegen nongo u Kristu u̱ pase mbatarev man mbautahav mba sha ajiir a Sha la ve̱ fa kwaghfan u Aôndo u a dumbur la,

1 Peteru 1:12

I pase ve er, ve lu eren tom sha akaa ne, nahan kpaa lu sha ci ve ayol a ve ga, lu sha ci wen; ka akaa a i lu pasen ne hegen sha ikev i mbala mba ve lu pasen ne Loho u Dedoo sha Icighan Jijingi u i tindi Un A due Sha la. Akaa ne yô, mbatyomov mba Shaav je kpaa, ka saren ve pe gbirin ashe ker.

Mpase U Yohane 15:6

Tsô mbatyomov mba Shaav mba utaankaruhar mba ve lu a atsan a ataankarahar la due ken tempel. Ve haa akondo iyol a wang a engem, shi ve zer ikwange i zenaria sha vanger.

Mpase U Yohane 19:14

Akumautya a Sha dondo sha a Na, ve lu sha anyinya a pupuu, ve haa akondo a pupuu a dedoo a kungun a wang iyol.

Mpase U Yohane 6:10

Ve genger imo ve kaa er: We Ter, icighan man u mimi kpaa, shi nan je man U ôr ijir U or iyev sha awambe ase sha mba ve lu shin tar laa?