Daniel 12:4 - ICIGHAN BIBILO

⁴ Kpa we Daniel cir akaaôron man ver ikav sha ruamabera ne zan zan sha shighe u mkur; ior kpishi vea zende wue wue man mfe kpaa una seer.

Daniel 12:4 Iomraidhean Croise

Yesaia 11:9

Vea vihi kwagh ga, vea tim kwagh sha icighanwo Wam cii kpaa ga, gadia tar ua mgbough a mfe u TER er mngerem ma ngee shin zegemnger nahan.

Yesaia 29:11

Mpase u sha akaa ne cii ngu ne er akaaôron a ken ruamabera u i cir un i ver ikav nahan, u ka i na orfantakerada er: Shi ôr kwagh ne; kpa una kaa er: Me fatyô ga, gadia i cir un i ver ikav sha mi;

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yesaia 32:3

Ashe a mbanengen aa kera pir ga, man ato a mba ve ongo la aa ungwa.

Yesaia 8:16

Kange mpase, cir ityesen, ver ikav sha mi hen mbahenen Av.

Yeremia 5:1

Zende nen wue sha igbenda i Yerusalem, shi nenge, pine man ker nen sha ityembe na, shin nea fatyô u zuan a oro, shin or môm ngu u nan eren jighilii nan keren mimi; nahan Me de un kwaghbo na.

Daniel 10:1

Sha inyom i sha utar i Shirushi tor u Pershia la, i pase Daniel, u i yilan un er Belete-shasar la kwagh; kwagh la lu kwagh u mimi je, lu kwagh u ican i vesen; a kav kwagh la, mpase u sha mnenge la wanger un.

Daniel 10:14

Hegen yô, m va sha u me na u ú kav kwagh u una va er ior ou sha ayange a masetyô yô, gadia mpase ne ngu sha kwagh u ayange a ken hemen ca.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

Daniel 11:33

Ve mba ve lu a kwaghfan ken ior yô, vea na ior kpishi vea kav kwagh; nahan kpaa vea gba sha sanker man sha nomborusu man ken kwar man ken ishar, ayange á ngee.

Daniel 11:40

Sha shighe u mkur yô, tor u ken imbusutariyan una va nôngo num a na; man tor u ken imbusutarimese kpaa una mough num a na er hiar nahan, a akekeautya man mbaanyinyav man utso kpishi; una nyôr ken ityar, una kar sha mi cii.

Daniel 12:13

Kpa we, yem tsô, zan zan mkur; gadia ú mem, man ú mough ú tile sha kwar wou, sha mkur u ayangegh.

Daniel 12:5

Nahan mo Daniel m kenger, yô, nenge, mbagenev uhar tile, u môm hen kpeifi yande ne man ugen di ken kpeifi yande la.

Daniel 12:9

A kaa er: Yem tsô Daniel, gadia i cir akaaôron la; i ver a ikav zan zan ar sha shighe u mkur la.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Daniel 8:19

a kaa er: Nenge, me na u u̱ fa kwagh u una er sha mkur u iyugh la; gadia kwagh ne tese sha shighe u mkur u i ver la.

Daniel 8:26

Mpase u sha mnenge u mbaaikighe man upepe u i er kwagh na la, ka mimi je; kpa we yô, cir mpase u sha mnenge ne, gadia ngu sha kwagh u ayange a ken hemen ca.

Mateu 24:14

Man Loho u Dedoo u tartor ne yô, á ôr u á tser tar, sha u u̱ lu mpase hen akuraior cii; ka zum la man mkur una kuma ye.

Mbaromanu 10:18

Nahan m ngu pinen mer: Ve ungwa ga shinii? Ve ungwa je: Imo ve samber sha tar sha won cii, akaaôron a ve kpaa za ar sha akighir a taregh.

Mpase U Yohane 10:4

Er idyuran i itiankarihiar la dura yô, m wa iyol u ngeren, kpa m ungwa imo due Sha kaa er: Cir kwagh u idyuran i itiankarihiar la i kaa la, ver ikav sha mi, de ngeren ga.

Mpase U Yohane 22:10

Shi a kaa a mo er: De cirin akaaôron a profeti a ken ruamabera veren ikav sha mi ga, gadia shighe mgbôghom.

Mpase U Yohane 5:1

Man ken uwegh ku yanegh ku Un u A tem sha ikônough ki torough la m nenge a ihurenruamabera, i nger un kimi kua ken ijime kpaa i cir un i var un akav ataankarahar.