Daniel 12:3 - ICIGHAN BIBILO

³ Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Daniel 12:3 Iomraidhean Croise

Ekesodu 34:35

Mbaiserael vea nengen ishigh ki Mose, er kwavshi u Mose u lu engem yô, Mose a shi a cir ikondo sha ishi zan zan saa shi una nyôron u ôron kwagh a Na.

Anzaakaa 11:30

Ityamegh ki orperapera ka kon u uma je, u nan lu orfankwagh yô, ka nan wa ior.

Anzaakaa 3:35

Icivir ia lu dyako u mbafankwagh, kpa abumeaior yô, kunya ua kôr a.

Anzaakaa 4:18

Kpa gbenda u orperapera ngu er iwanger i sha use nahan, ngi seer aseer zan hemen zan zan mkende u iyange sha sha tembe la.

Orpasenkwagh 12:9

Man shi er Orpasenkwagh a lu orfankwagh yô, a gba zan hemen u tesen ior mfe; een, a hen, a time, a dugh anzaakaa kpishi.

Yesaia 53:11

sha mtoghor u uma Na, Una nenge a min je, á kuma Un; sha kwaghfan Na, wanakiriki Wam u perapera la, Una gema ior kpishi vea hingir mbaperapera; Una tôô afer a ve sha iyol Na kpaa.

Yeremia 23:22

Kpa aluer yan vea til ken mhen Wam yô, ma ve ne ior Av ma ve ongo akaaôron Am, ma ve gem ve sha gbenda ve u bo la kera, kua sha ifer i aeren a ve kpaa.

Daniel 11:33

Ve mba ve lu a kwaghfan ken ior yô, vea na ior kpishi vea kav kwagh; nahan kpaa vea gba sha sanker man sha nomborusu man ken kwar man ken ishar, ayange á ngee.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Daniel 12:10

Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Mateu 13:43

Shighe la mbaperapera vea engem er ka iyange nahan sha tartor u Ter ve. U nan lu a ato a ungwan yô, nana̱ ungwa.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 24:45

Yô, ka an nan lu wanakiriki u jighjigh man u fan kwagh u ter u nan una wa nan ya sha ikev sha u nana naan ve kwaghyan sha ashighe ashighe?

YOHANE 4:36

Orsundan ka nan zua a injar man nan kohol iyiav sha ci u uma u tsôron, sha er orlôôn man orsundan vea ember imôngo yô.

YOHANE 5:35

Un yô lu imenger i yeghen i mondon iwanger kpaa, man doo ne u ember iwanger na la anyangem kpeghee.

Aerenakaa A Mbaapostoli 13:1

Uprofeti man mbatesen lu ken nongo u Kristu u u lu ken Antioki la, lu: Barnaba man Shimeon u i yilan er Niger la, man Lushiu or u Shirene, man Manaen u a lu orkwav u Herode u Tetera la, man Saulu.

1 Mbakorinte 3:10

Ka sha mrumun u sha mhôôn u Aôndo u i nem la man m tim imagh er orfanmaa nahan ye, orgen nan kar nan ngu maan sha mi, kpa hanma or nana̱ er teghelee sha mmaa u nan maan sha mi la.

Mbaefese 4:11

Ka Un je A ne mbagenev ve lu mbaapostoli, mbagenev yô, ka uprofeti mbagenev ka mbaivangeli, mbagenev ka mbakuran man mbatesen.

Mbaheberu 5:12

Gadia shighe yô, kuma u ma ne lu mbatesen je, kpa i shi i gba ne u orgen nana or ne atôakaa a hiihii a sha akaaôron a Aôndo la, ne hingir mba kwagh a gbe ne u man atumba, kera ka kwaghyan u taver ga.

2 Peteru 3:15

Man shi fa nen er ishima i wan i Ter wase la i lu myom yô. Kape anmgbian wase u doon se ishima Paulu kpaa, sha kwaghfan u i ne un la a nger ne je ne;

Mpase U Yohane 1:20

Kwaghmyer u asan a ataankarahar a u nenge a mi ken uwegh Agh ku yanegh man udaarmbaamengerev mba utaankaruhar mba zenaria la yô, ka nahan asan a ataankarahar la, ka mbaityomov mba iniongo i Kristu: itiankarihiar la man udaarmbaamengerev mba utaankaruhar la ka iniongo i Kristu i itiankarihiar je la.

Mbaajiriv 5:31

Mbaihomov Ou cii, ve̱ saa ishe nahan TERE! Kpa mba A doo ve ishima la yô, ve mba er iyange, zum u ka ia due sha agee a i nahan. Tsô tar la zua a mmem anyom akunduahar.