Daniel 12:12 - ICIGHAN BIBILO

¹² Á saan or u nan kegh nan ar sha ayange dubu man deri utar man ikundugber kar utaan la iyol.

Daniel 12:12 Iomraidhean Croise

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Esekiel 4:6

Man shi zum u ú bee ayange angan yô, yav ken ihan you i yan, tôô iferkwagh i ya u Yuda kpaa; M ver u ayange akunduahar, iyange i môm sha ci u inyom i môm.

Daniel 8:14

A kaa a mo er: Ka zan zan mbaaikighe man upepe dubu uhar man deri utar, man á sôr icighanjiir ye.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?

Mpase U Yohane 11:2

Kpa tembe u ken kungur u tempel la yô, gba den u tsô, u̱ lu ken won, de karen u ga, gadia i na u sha ikev i akuraior, aa ndyar icighangar shin angahar á kuma iwer akunduahar kar ihiar.

Mpase U Yohane 12:6

Kwase la gema yevese yem ken ikôngo ape a lu a ijiir i Aôndo vande sôron sha ci na sha u á koso un her, á kuma ayange dubu man deri uhar man akunduatar.

Mpase U Yohane 13:5

Shi i na inyam la zwa sha u ôron uzegembaakaav kua ityuhwanev kpaa, shi i na i ian er i̱ eren tahav zan zan iwer akunduahar kar ihiar.

Mpase U Yohane 20:4

Tsô m nenge mkônom ma torom, ior tema sha mi, i na ve ijir i ôron sha ikev. Shi m nenge uuma mba ior mba i gber ve ityough sha ci u shiada u Yesu man sha ci u mkaanem ma Aôndo la, ka mba ve civir inyam la ga shin eev mbu i kpaa ga, ve ngohol ikav i i sha atsul a ve ga, shin sha ave a ve kpaa ga. Ve nder ve tema tor a Kristu imôngo kuma anyom dubu je.