Daniel 12:10 - ICIGHAN BIBILO

¹⁰ Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Daniel 12:10 Iomraidhean Croise

Upasalmi 107:43

Or u nan lu a kwaghfan yô, nana̱ ver ishima sha akaa ne, ve̱ ver ishima sha uerdoo mba TER kpaa. Ka icam. Ka Pasalmi u Davidi

Upasalmi 51:7

Wanger mo sha hisop, tsô me hingir wang; ôôm, tsô me kungu, á hemba senou je.

Anzaakaa 1:5

Sha u orfankwagh nana̱ ungwa nana̱ seer mhen, orkavenkwagh kpaa nana̱ ar sha mbamhen mba mimi;

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Esekiel 47:11

Kpa azande a na man aber a na yô, á sôr a ga; á de a, a̱ lu a bar her.

Daniel 11:33

Ve mba ve lu a kwaghfan ken ior yô, vea na ior kpishi vea kav kwagh; nahan kpaa vea gba sha sanker man sha nomborusu man ken kwar man ken ishar, ayange á ngee.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Daniel 12:3

Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Hosea 14:9

Or u nan lu a kwaghfan yô, nana̱ ver ase ikav sha akaa ne; u nan lu a mfe yô, nana̱ fa a, gadia igbenda i TER ngi jighilii je, mbaperapera mba zenden sha i; kpa mbaperenatindi yô, mba nenge gbev sha i.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Malaki 3:3

Una tema er orsoughon man orsôron azurfa sha u a̱ hingir wang yô, Una wanger ônov mba Levi, Una wanger ve wang er zenaria man azurfa nahan; nahan vea na TER nagh sha perapera.

Marku 4:11

Nahan A kaa a ve er: Ne yô, i na ne sha u fan kwaghmyer u tartor u Aôndo; kpa mba ken won yô, mba er ve akaa cii sha anzaakaa,

Luka 24:25

Tsô A kaa a ve er: Ne mbakavenkwagh ga, mba ne timbir u nan akaa a uprofeti ve kaa la cii jighjigh ne.

YOHANE 18:37

Tsô Pilatu kaa a Na er: Nahan U ngu tor zee? Yesu gema kaa er: U kaa sha mi, M ngu tor. Ka sha ci u nahan i marem, shi ka sha ci u nahan kpaa M ve shin tar ne, sha er Me pase mimi ye. Hanma or u nan lu or u mimi yô, nan ongo imo Yam.

YOHANE 7:17

Aluer i sar hanma or pe eren ishima Na yô, nana fa kwagh u ityesen ne, shin ka her Aôndo i dugh, shin ka kwagh Wam tsô M erou?

YOHANE 8:47

U nan dugh sha Aôndo yô, nan ongo mkaanem ma Aôndo; kape i lu man ne ongo ma ga la, sha ci u ne dugh her Aôndo ga yô.

1 Mbakorinte 6:11

Kape ne mbagenev kpaa ne vande lun la. Kpa i ôô ne, i tsegha ne, i na ne ishô ken iti i Ter Yesu Kristu man sha Jijingi u Aôndo wase.

2 Mbakorinte 7:1

Nahan yô, ne mbadoon mo ishima, er se lu a uityendezwa mban yô, se wanger nen ayol a ase sha hanma kwagh u hôngorough u ken iyol kua ken jijingi cii, se sôr nen mtsegh wase, a̱ hingir vough sha mcie u cian Ter la.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mbaheberu 12:10

Ve yô, ve lu kôôm se sha anyangem kpeghee er ve nenge i doo yô, kpa Un yô, ka sha u ma i kpe se iyol sha u ma se lu a kwar sha mtsegh Na.

1 Peteru 1:22

Er ne vande wanger asema a en kera sha iko i ne wan mimi iko la u zan ken dooshima u mimi u hen anmgbianev yô, doo nen ayol a en ken ishima tsung je.

1 Peteru 1:7

Zenaria u a lu kwagh u saan ishe kpaa ka i kar un sha usu je, nahan mkar u i kar jighjigh wen u nan u a hemba zenaria inja ica la, ka sha u una kuma iwuese man icivir man iengem sha m-ande u Yesu Kristu.

1 Yohane 5:20

Man shi se fa Wan u Aôndo va kera ve; A na se mkav sha u se̱ fa Un u A lu u mimi la, man se mba ken Un u A lu u mimi la, ka ken Wan Na Yesu Kristu je la. Ngun ka Aôndo u mimi man shi uma u tsôron kpaa.

Mpase U Yohane 16:11

Ve tuhwa Aôndo u Sha sha ci u mnyoonom vem man shi avav a ve la kpaa, ve kera gema asema a ve sha aeren a ve la kera ga.

Mpase U Yohane 19:14

Akumautya a Sha dondo sha a Na, ve lu sha anyinya a pupuu, ve haa akondo a pupuu a dedoo a kungun a wang iyol.

Mpase U Yohane 19:8

I rumun un er a̱ wuha iyol sha akondo a pupuu a dedoo a engem ashe man a wang kpaa— gadia akondo a pupuu a dedoo la yô, ka aeren a perapera a uicighanmbaiorov.

Mpase U Yohane 22:11

Or u eren ifer yô, nana̱ seer a seer eren ifer, or u nan we ibinga yô, nana̱ seer ibinga, or u perapera yô, nana̱ seer a seer eren perapera, u nan lu icighanor yô, nana̱ seer a seer lun icighanor.

Mpase U Yohane 3:18

M ngu wasen we henen Mer, yam kwagh a Mo, yam zenaria u i ser sha usu sha er ú ngee a kwagh yô, man shi akondo a pupuu sha er ú haa a iyol, kunya u idyelegh wou u̱ de dugh ken igbar ga yô, man shi icigh ki shighen sha ashe a ou sha er ú nenge kera yô.

1 Samuel 24:13

Bee injakwagh i ior mba ngise kaa er: Ka hen mbaaferev ifer i dugh ye. Kpa uwegh agh yô, kua bende sha a we ga.