Daniel 12:1 - ICIGHAN BIBILO

¹ Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Daniel 12:1 Iomraidhean Croise

Upasalmi 56:8

U ôr iyenge i ayem a am cii; haa mliam am ken ishegh You; kera ka ken ruamabera Wou ma lu gaa?

Upasalmi 69:28

I̱ kough ve ken ruamabera u uma kera; i̱ de ngeren ve a mbaperapera imôngo ga.

Yesaia 4:3

Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 30:10

Nahan yô, de cie ga, we Yakob wanakiriki Wam, kape TER A kaa ne, man ishima i̱ de nyian we ga, we Iserael; gadia, nenge, Me yima u ken ica je man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa; ma or nana kera ta un mciem iyol ga.

Yeremia 30:7

Wuu! Gadia iyange shon gba ikôr je gande agen cii; ka shighe u ican i Yakob je la; kpa á yima un sha i.

Esekiel 13:9

Uwegh Agh kua lu ihom a uprofeti mba ve nengen mbampase mba icughugh man ve tsengepasen sha aie la: vea lu ken mkohol u ior Av ga, man á nger ati a ve ken ruamabera u ya u Iserael ga, shi vea nyôr ken tar u Iserael kpaa ga; nahan vea fa er Mo M lu Ter AÔNDO ye.

Esekiel 34:24

Mo TER Me hingir Aôndo ve, man wanakiriki Wam, Davidi, una tema tor sha a ve; ka Mo TER M kaa nahan ye.

Esekiel 5:9

Man ker atô wou kpaa Me er kwagh u M lu a vande eren ga yô, imbakwagh i mayange Me kera er i nahan ga, sha ci u akaa a ou a ndôhôrshima cii.

Daniel 10:13

Kpa ortaregh u tartor u Pershia la hendan a mo ayange ikundu kar môm; nenge, Mikael, u môm ken mbatarev mba vesen va wasem; nahan m shi her a utor mba Pershia.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

Daniel 11:45

Una mande utenti mba iyou i tor hen harga u zegemnger a icighanwo u Icivirigh; nahan kpaa una tim her, ma or nana wase un kpaa ga.

Daniel 7:10

Ifi u usu due gba kuwan sha ishigh nagh; ior udubu dubu lu eren Un tom, man dubu pue kwa dubu pue tile sha ishigh Nagh; i tema ijirôron man i bugh uruamabera.

Daniel 9:12

A er sha akaaôron a Na vough a A ôr sha a vese man sha mbaajiriv asev mba ve er se ijir la, sha u van a zegekwaghbo sha a vese; gadia sha won cii, mba a er imbakwagh i i er a Yerusalem ne nahan ga.

Yoel 2:2

ka iyange i ime i wan mgbigh mgbigh, iyange i abeen man angôghime, er mlu u pepe dindee nahan; ikurior i vesen man i ageegh haa sha iwo imba i i lu a vande nengen a mi ga, man á kera nenge a mi ken hemen kpaa ga, zan zan sha ikov ikov cii.

Malaki 3:16

Tsô mbacian TER kpaa gema ôr kwagh ayol a ve; TER kpaa ver ato, ungwa, i nger ruamabera u umbur akaa sha ishigh Nagh, sha ci u mba ve cie TER, man mba ve civir iti Na yô.

Mateu 24:21

Gadia zum la zegecan una er, imbacan i hii er i gba tar la je zan zan ainge ne i lu a er mayange ga yô, man mayange kpaa ia kera shi er nahan kpaa ga.

Marku 13:19

Gadia sha ayange la, ican ia lu, imbacan i hii er Aôndo gba tar je zan zan ainge ne i lu a vande eren nahan ga yô, mayange ia kera shi er nahan kpaa ga.

Luka 10:20

Kpa de ember nen er ujijingi ve lu sha ikev yen ga, kpa ember nen er i nger ati a en Sha yô.

Mbaromanu 11:15

Aluer mgbihi u i gbihi ve la hingir u himen tar yô, mrumun u á va rumun ve la una kera lu mnder u shin mbakpenev gaa?

Mbaromanu 11:26

Kape Iserael cii vea war la. Kape i nger kpaa la er: Ka ken Shion man Oryiman Una due ye, Una kar a mvende u i lu vendan Aôndo la ken Yakob kera.

Mbaefese 1:21

A̱ hemba taven sha a hanma tarkuran man tahav man agee man tor u yan cii man hanma iti cii i i yer i sha ayange ne kua a lu van ken hemen la kpaa.

Mbafilipi 4:3

We ikarem u mimi u sha tom kpaa, m ngu zamber a we mer, wase kasev mban. Ve er tom sha u pasen Loho u Dedoo a mo imôngo tsung kua Kelemen man mbagenev mba ve er tom a mo imôngo kpaa, ve mba ati a ve a lu ken ruamabera u uma la.

Yuda 1:9

Kpa Mikael ortyom u Sha u tamen la, zum u a lu nôngon a diabolo, lu kpelan ikom i Mose la yô, a kera cihi a ôr un ijir i sha mtoho ga, kpa a kaa er: Ter A̱ tsaha u.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 12:7

Tsô ityav gba Sha, Mikael kua mbatyomov nav lu nôngon a darakon. Darakon a mbatyomov nav kpaa lu nôngon,

Mpase U Yohane 13:8

Mba ve tem shin tar cii vea civir i, ka ve mba i nger ati a ve ken ruamabera u uma u Waniyôngo ga la, Un u i senge Un hii sha igbetar je la.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 20:12

Tsô m nenge mbakpenev tile sha ishigh ki ikônough ki torough kila, mbavesen kua mbakiriki cii. Nahan i bugh uruamabera. I shi i bugh ruamabera ugen kpaa, ka ruamabera u uma je la. Tsô i ôr mbakpenev ijir sha akaa a i nger ken uruamabera mbala, sha aeren a ve.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 3:5

Or u nan hembe yô, kape á haa nan akondo a pupuu iyol je la, man Me ese iti i nan ken ruamabera u uma kera je ga, kpa Me pase iti i nan sha ishigh ki Terem man sha ishigh ki mbatyomov Nav kpaa.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.