Daniel 11:4 - ICIGHAN BIBILO

⁴ Zum u una mough yô, tartor na ua gba, á pav u sha avegher a ahumbe a anyiin a Sha la, ua kera lu u tsombor na ga, tahav nav mbu a tem tor sha mi la kpaa mbua kera lu ga; gadia á wuhe tartor na kera, ua hingir u mbagenev, á kera lu mban ga.

Daniel 11:4 Iomraidhean Croise

Upasalmi 39:6

Mimi je, hanma or nan gbe zenden er jijingi nahan tsô; mimi je, mba gbe kumbur sha, gbilin tsô; nan kohol inyaregh, kpa nan fa u nan lu yan ki ga.

Orpasenkwagh 4:8

Orgen ka nan lu tswen, nan lu a ma orgen ga, een, shin wan kpaa ga, shin anmgbian tsô kpaa ga, nahan kpaa tom u nan u ican, u kuren ga, ashe a nan kpaa a kenger inyaregh ki kuman a ga. Ka sha ci u an je m ye icana man m gbe nyumen uma wam akaa a doon nahan? Kwagh ne kpaa ka gbilinkwagh tsô, een, ka ican tsung je.

Yeremia 12:15

Tsô ken masetyô u M tsuwe ve kera yô, Me shi Me zungwe ve mhôônom; shi Me hide a ve, hanma or hen dyako u nan, man hanma or hen tar u nan.

Yeremia 12:17

Kpa aluer vea ver ato ga yô, Me tsuwe ikurior la kera, Me tim i kera, kape TER A kaa ne.

Yeremia 18:7

Shighe gen ka M ôr kwagh sha ikurior, man sha tartor, sha u wuhen man u yôhôl man u timin ve kera;

Yeremia 31:40

Pev u akom cii man u mtwe man akôngo la cii zan zan á ar hen uwagh u Kideron, hen iniuugh ki Hundagar u Nyinya vegher u sha ityoughkitaregh la, vea hingir TER icighankwagh; á kera wuhe ve man á kera yôhôl ve sha won kpaa ga.

Yeremia 45:4

Kaa a na nahan wer: TER ngu kaan nahan er: Nenge, kwagh u M maa yô, Me yôhôl un, man kwagh u M môôr kpaa, Me wuhe un; kape á lu sha tar cii la.

Yeremia 49:36

Me va a ahumbe a anyiin a a dugh sha azongo a anyiin a Sha sha Elam, Me sambe ve sha ahumbe la cii; mba i zende ve ken Elam la, ma ikurior i vea za ker ga yô, ia lu ga.

Esekiel 37:9

Nahan A kaa a mo er: Ôr kwaghôron u profeti a jijingi, ôr kwaghôron u profeti, we wan u or, kaa jijingi wer: Ter AÔNDO ngu kaan nahan er: Va sha ahumbe a anyiin la, we jijingi, va ôô ken mba i woo ve mban, ve̱ hingir uma.

Daniel 7:2

Daniel ôr kwagh kaa er: M nenge ken mpase wam tugh; yô, nenge, ahumbe a anyiin a sha la, ve gbuusu zegemnger.

Daniel 7:6

Ken masejime ne yô, shi m nenge igen lu er anyam nahan, i lu a akper a inyon anyiin sha ijime i i, inyam la lu a ityouv inyiin; i na i tahav kpaa.

Daniel 7:8

Er m lu timen sha akor la, nenge korough kugenegh ku kiriki gema due ken a, i tsuwa akor atar a a vande lun la sha ishigh ki ku kera; man nenge, ashe lu sha korough kun er ashe a or nahan, man zwa u ôron uzegembaakaav kpaa.

Daniel 8:22

Man er ku tende, man anyiin a gem a mende sha ityough ki ku la, ka ityartor inyiin ia mough ken ikurior la, kpa ia kera lu a agee na ga.

Daniel 8:8

Kpev shon la er akaavesen; zum u a hemba yô, zegekor la tôndo; sha ityough ki korough kura, akor agen anyiin a tseer tseer gema due, ver ishiv sha avegher a ahumbe a anyiin a Sha.

Sekaria 2:6

Mough, mough yevese due nen ken tar u Imbusutarimese la kera, kape TER A kaa ne; gadia M sambe ne wuee er ahumbe a anyiin a Sha nahan, kape TER A kaa ne.

Sekaria 6:5

Nahan ortyom la gema kaa a mo er: Angan ka ahumbe a anyiin a Sha a a dugh er a vande tilen sha ishigh ki Ter u taregh cii yô.

Mateu 12:25

Man er A fa mbamhen vev yô, A kaa a ve er: Hanma tartor u u pav sha ihom yô, á tim u kera. Man shi hanma gar shin hanma ya u a pav sha ihom yô, una lu ga.

Luka 12:20

Kpa Aôndo kaa a na er: We ibumeor ne! Ka nyian tugh je i lu keren uma wou hen we ye; nahan akaa a u kohol ne yô, aa hingir a ana?

Mpase U Yohane 7:1

Ken masetyô u akaa ne yô, m nenge mbatyomov mba Shaav unyiin tile sha azongo a tar a anyiin la, ve kôr ahumbe a anyiin a sha tar la sha u ma ahumbe a̱ de pever shin tar ga, shin sha zegemnger kpaa ga, shin sha ma kon kpaa ga.