Daniel 11:38 - ICIGHAN BIBILO

³⁸ Sha ityouv vev yô, una civir aôndo u ayouautya a taver; aôndo u uter nav ve fe un ga la, una civir un sha zenaria man azurfa man awen a injaa man akaa a haan ishar iyol.

Daniel 11:38 Iomraidhean Croise

Yesaia 44:9

Ve mba ve gbe ieev, ve cii ka agbilinaior tsô, man akaa a doon ve yum la, aa lu ve a inja ga; ushiada vev mba nengen ga, mba fe kwagh kpaa ga, nahan kunya ua kôr ve.

Daniel 11:37

Una wa iko sha mbaaôndo mba uter nav ga, shin sha u a doo kasev ishima la kpaa ga, man una kera wa ma aôndo ugen iko ga, gadia una mor iyol á hemba cii.

Daniel 11:39

Una ta num sha ayouautya a hemban taver la sha iwasen i aôndo ugen; mba ve rumun un yô, á civir ve kpishi; una ver ve vea ya tor sha ior kpishi, una kar ve tar sha inyar.

Daniel 11:7

Kpa ken gbaa u shin amise na, ugen una mough hen ijiir na, u una va ta num sha ikumutya, una nyôr ken ayouautya a taver a tor u sha imbusutarimese la, una er a ve sha ishima na, una hemba ve kpaa;

1 Timoteu 4:1

Kpa Jijingi ngu kaan wanger wanger er: Sha ayange a masejime yô, mbagenev vea undu jighjigh u nan, vea ver ishima sha ujijingi mba tsughun ior man sha ityesen i ujijingi mba bov.

Mpase U Yohane 18:12

Ka ikav mbi sha zenaria man azurfa man awen a injaa man utagbede man akondo a pupuu a dedoo man akondo a nyian dindee man akondo a shiliti man akondo a nyian bong man shi hanma inja i kon u human doon man hanma anzaakaa a i er a sha anyi a nortar man shi hanma anzaakaa a i er a sha ikon i injaa man sha dela man sha iyôgh ki iligh man sha awen a mabel