Daniel 11:37 - ICIGHAN BIBILO

³⁷ Una wa iko sha mbaaôndo mba uter nav ga, shin sha u a doo kasev ishima la kpaa ga, man una kera wa ma aôndo ugen iko ga, gadia una mor iyol á hemba cii.

Daniel 11:37 Iomraidhean Croise

Genese 3:16

Shi A kaa a kwase la er: Me seer we ican tsung sha iyav mbu wan ou, ú maren sha ican je; isharen you ia lu sha nomu, ú lu sha ikev na.

Genese 3:5

gadia Aôndo fa iyange i né ya a la, iyange la ashe aa bugh ne, né hingir er Aôndo nahan, né gba fan kwagh u dedoo man kwagh u bo.

I Solomon 7:10

U a doom ishima la, m ngu u na, isharen na kpaa ngi sha a mo.

Yesaia 14:13

U kaa ken ishima you wer: Me kôndo Sha, me kende ikônough yagh ki torough Sha je; kia kar asan a Aôndo sha je; me tema sha Uwo u Mkohol, ken zuer u imbusutarimese,

Yesaia 14:14

me kôndo sha, me kar abeen a hemban gban ca la, me hingir er Uhembansha nahan,

Esekiel 24:16

Wan u or, nenge, Me tôô isharen i ashe ou kera fese; nahan kpaa de zungu ga, man de vaa ga, mliam ou kpaa ma de hee ga.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 11:38

Sha ityouv vev yô, una civir aôndo u ayouautya a taver; aôndo u uter nav ve fe un ga la, una civir un sha zenaria man azurfa man awen a injaa man akaa a haan ishar iyol.

Daniel 8:11

Een, a kende iyol na sha zan zan a za ar sha Tor u akum a Sha kpaa; a ngohol Un nagh ku nanden ku gbem la kera, a yôhôl icighanjiir Na kera kpaa.

Duteronomi 21:11

man ken mba u ker ve mbala wea nenge a kwase u doon ashe, una sar u, á lu u ka tôôn hingir kwase wou yô,

Duteronomi 5:21

Man shi de tem kwase u or u wan ndor a we ga; man shi de tem ya u or u wan ndor a we ga, shin sule u nan, shin or u shiren nan tom, shin kwase u eren nan tom, shin bua u nan, shin jaki i nan, hanma kwagh u a lu u or u wan ndor a we kpaa, de tem ga.

2 Timoteu 2:4

Ka orhendan u kenden a iyol na sha er un hemba hanma kwagh u i yer un er Aôndo man hanma kwagh u i civir un la kpaa zan zan una tema ken tempel u Aôndo, una yôô er ka un je un lu Aôndo ye.

1 Timoteu 4:3

Mba yange kwase u eren, mba tsweren akaayan a Aôndo A gbe a sha u mba ve ne jighjigh shi ve fe mimi la, ve̱ ngohol a sha ishughun la.