Daniel 11:36 - ICIGHAN BIBILO

³⁶ Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 11:36 Iomraidhean Croise

Upasalmi 136:2

Wuese nen Aôndo u mbaaôndo, gadia erdoo Na ka u tsôron gbem sha won.

Upasalmi 33:10

TER bundu kwaghhenen u akuraior, ka A gema mbamhen mba iorov ve hingir gbilinkwagh.

Anzaakaa 19:21

Mbamhen mba kpishi ken ishima i or, kpa awashima u TER yô, ka un una lu taveraa ye.

Yesaia 10:23

Gadia Ter, TER u akum a Sha, Una kure mtim u i vande veren kera je, her atô u tar cii.

Yesaia 10:25

Gadia mase shin ciôn tsô, iyugh ia kure, ishima i vihin Yam kpaa ngi sha u za timin ve.

Yesaia 10:5

Kwagh á tser u, Ashiria, gbough ku iyugh Yam; ishimavihin Yam ngi ken uwegh vegh er aga nahan.

Yesaia 14:13

U kaa ken ishima you wer: Me kôndo Sha, me kende ikônough yagh ki torough Sha je; kia kar asan a Aôndo sha je; me tema sha Uwo u Mkohol, ken zuer u imbusutarimese,

Yesaia 14:14

me kôndo sha, me kar abeen a hemban gban ca la, me hingir er Uhembansha nahan,

Yesaia 26:20

Va nen, ior Av, nyôr nen ken ayou a en, wuhe nen ihinda kera cii, yer nen kpeghee, zan zan iyugh i̱ kar kera.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Yesaia 46:10

u M pasen hii sha mhii zan zan mkur, man hii sha ayange a tsuaa la je, akaa a a lu a vande eren ga la; M kaa Mer: Awashima Wam una lu je, Me er kwagh u a doom ken ishima u eren la cii;

Yesaia 57:9

U za hen Moleki kpaa a mkurem ma ishin, man shi u seer mkurem ou ma human doon ma ngee, u tindi mbatyomov ou ken ca, ve yem shin, ve za ar shin Sheol je.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Esekiel 35:13

Ne kende ayol a en sha sha u lun ihom a Mo, sha mkaanem enem, man ne seer kwaghôron sha a Mo; M ungwa.

Daniel 11:16

Kpa wen u una va ta num sha a na la, una er sha ishima na, ma or môm kpaa nana fatyô u tilen un sha ishi ga; shi una tile ken Tar u Icivirigh la, mtim una lu sha uwegh nagh kpaa.

Daniel 11:3

Tsô tor u ageegh una mough u una tema tor sha tahav mbu vesen, una eren kwagh sha ishima na.

Daniel 11:37

Una wa iko sha mbaaôndo mba uter nav ga, shin sha u a doo kasev ishima la kpaa ga, man una kera wa ma aôndo ugen iko ga, gadia una mor iyol á hemba cii.

Daniel 12:7

Tsô m ungwa or u haan ikondo i pupuu i kôngor u a lu sha sha mngerem ma ifim la, zum u a kende uwegh nagh ku yanegh man uwegh nagh ku imesegh sha yô, a bum Un u A lu uma gbem la, er: á lu shighe man ashighe man veghershighe; zum u vea vihi agee a icighanikurior kera ci ca yô, akaa ne cii aa kure sha min.

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Daniel 5:19

Sha ci u ivesen i A na un la, ior man akuraior man ijô cii, ve gbidye akarkase iyol ve cia un; hanma or u a nenge i doo un u wuan yô, a wua nan; hanma or u a nenge i doo u nana̱ lu uma yô, a de nan uma; man hanma or u i lu un pe kenden nan sha yô, a kende a nan sha; man hanma or u i lu un pe hiden a nan ijime yô, a hide a nan.

Daniel 5:20

Kpa zum u a hii u moron iyol yô, man jijingi na kpaa cighir zan zan a hingir u eren kwagh sha ihagh yô, i dugh un sha ikônough nagh ki torough kera, man icivir na kpaa i ngohol i kera;

Daniel 7:8

Er m lu timen sha akor la, nenge korough kugenegh ku kiriki gema due ken a, i tsuwa akor atar a a vande lun la sha ishigh ki ku kera; man nenge, ashe lu sha korough kun er ashe a or nahan, man zwa u ôron uzegembaakaav kpaa.

Daniel 8:19

a kaa er: Nenge, me na u u̱ fa kwagh u una er sha mkur u iyugh la; gadia kwagh ne tese sha shighe u mkur u i ver la.

Daniel 8:4

M nenge nomiyôngo la lu keman veren ishigh vegher u shin ityôtar man ken imbusutarimese man ken imbusutariyan; ma inyam i môm lu a tahav u tilen sha ishigh nagh ga, man shi ma or fatyô u yiman kwagh sha ikev na ga, kpa a lu eren sha ishima na, lu kenden iyol na sha.

Sekaria 11:16

Gadia, nenge, veren Yam orkuranilev sha tar, una wa mbisaanshe iko ga, una ker mbi mbi sambe la ga, una kange mbisombon ga, una koso mbitilensha la ga, kpa una ya inyam i mbiwanahôm, una tsuwa apande a mbi.

YOHANE 5:30

Mo yô, M fatyô u eren ma kwagh sha tahav Av iyol Yam ga. Er M ongo nahan, kape M er ijir kpaa la; man ijirôron Yam ka i mimi, gadia M keren u eren ishima yam ga, kpa ka ishima i Un u A tindim la.

YOHANE 6:38

Gadia M sen Sha, ka sha u Me er ishima Yam ga, kpa ka u eren ishima i u A tindim la.

Aerenakaa A Mbaapostoli 4:28

sha u vea er akaa a uwegh Ough man awashima Wou vande veren cii er á er yô.

Duteronomi 10:17

Gadia TER, Aôndo wen, Un ka Aôndo u mbaaôndo man Ter u uter, ka Aôndo u hemban, u ageegh, u cieryol, u sangen a sange ga, ngohol inyaregh kpaa ga;

2 Timoteu 2:3

Ne yô, ma or môm nana̱ de tsughun ne sha nyityôkwagh kpaa ga, gadia saa m-undu u hiden ijime la una vande van ve, man saa á pase or u vendan atindi, ka wan u mtim je la.

2 Timoteu 2:4

Ka orhendan u kenden a iyol na sha er un hemba hanma kwagh u i yer un er Aôndo man hanma kwagh u i civir un la kpaa zan zan una tema ken tempel u Aôndo, una yôô er ka un je un lu Aôndo ye.

2 Timoteu 2:8

ka zum la man á pase un u a vende atindi la ken igbar ye. Ter Yesu Una wua un sha iôôn i sha zwa Na man Una tim un kera sha mve Na man m-ande Na.

Yosua 22:22

TER, Aôndo u mbaaôndo! TER, Aôndo u mbaaôndo! Un yô, A fa, man Iserael kpaa una fa; aluer ka sha mhendan shin sha tindi u peren u TER yô, de yem se nyian ga!

Mpase U Yohane 10:7

kpa sha ayange a ortyom u Sha u sha utaankaruhar la, zum u una tôngo yô, kwaghmyer u Aôndo la una kure er A lu pasen uprofeti, mbatomov Nav la nahan.

Mpase U Yohane 12:14

Kpa i na kwase la akper a zegegafa er a̱ purugh a̱ kar sha ishigh ki iyô la kera a̱ yem ken ikôngo hen ijiir na ape á koso un á kuma shighe man ashighe man veghershighe.

Mpase U Yohane 13:1

Tsô m nenge inyam due shin zegemnger lu a akor pue man ityouv itiankarihiar. Sha akor a i yô, ader a tor lu pue, sha ityouv mbi i yô, ati a uityuhwan lu.

Mpase U Yohane 17:17

Gadia Aôndo na ve ken asema a ve sha u ve̱ er sha awashima Na, ve̱ er a ishima i môm je, ve̱ gema tor ve, ve̱ na inyam la zan zan akaaôron a Aôndo aa kure vough yô.

Mpase U Yohane 17:3

Nahan a kua a mo ken Jijingi a yem a mo ken taaikôngo. Tsô m nenge a kwase tema sha inyam i nyian bong, i lu a ati a uityuhwan iyol wue wue, lu a ityouv itiankarihiar man akor pue.