Daniel 11:35 - ICIGHAN BIBILO

³⁵ Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Daniel 11:35 Iomraidhean Croise

2 Kroniku 32:31

Kpa sha kwagh u mbatyomov mba atiator a Babilon la, mba i tindi ve her a na er ve̱ va fa kwagh u kpilighyol u a er hen tar la yô, Aôndo maa undu un sha u karen un, sha u Una fa kwagh u a lu a mi ken ishima cii yô.

Anzaakaa 17:3

Adum ngu sha ci u sôron azurfa je, man usu u iwaagh kpaa ngu sha ci u zenaria, kpa TER yô, karen asema.

Yesaia 27:9

Ka sha kwagh ne je man á kough ifer i Yakob kera ye, mkarkera u kwaghbo na la, ka atam a na ne: Una gema awen a atse a nanden nagh sha mi cii, aa hingir er awen a akpena a i hembe a avur avur yô, Asherim kua atse a nanden kwaghhumandoon sha mi vea kera tile sha je ga.

Daniel 11:27

Utor mba uhar mban yô, vea ver asema a ve sha u eren kwaghbo, vea ôr kwagh sha aie hen tebul môm; kpa á za sha mi ga; gadia mkur una lu sha shighe u i ver la.

Daniel 11:29

Sha shighe u i ver la una hide, una va ken imbusutariyan; kpa shighe u hegen ne, á kera lu er shighe u hiihii la nahan ga.

Daniel 11:33

Ve mba ve lu a kwaghfan ken ior yô, vea na ior kpishi vea kav kwagh; nahan kpaa vea gba sha sanker man sha nomborusu man ken kwar man ken ishar, ayange á ngee.

Daniel 11:40

Sha shighe u mkur yô, tor u ken imbusutariyan una va nôngo num a na; man tor u ken imbusutarimese kpaa una mough num a na er hiar nahan, a akekeautya man mbaanyinyav man utso kpishi; una nyôr ken ityar, una kar sha mi cii.

Daniel 12:3

Mba ve lu a kwaghfan yô, vea engem er iengem i sha kwavaôndo nahan, mba ve gem ior kpishi vea hingir mbaperapera, vea engem er asan nahan zan zan gbem sha won.

Daniel 12:4

Kpa we Daniel cir akaaôron man ver ikav sha ruamabera ne zan zan sha shighe u mkur; ior kpishi vea zende wue wue man mfe kpaa una seer.

Daniel 8:10

A hingir zegenan zan zan a za ar sha akum a Sha; a pande akum a Sha, ka asan agen je la, a haa a shin inya, a shoghol angahar sha mi.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Daniel 8:19

a kaa er: Nenge, me na u u̱ fa kwagh u una er sha mkur u iyugh la; gadia kwagh ne tese sha shighe u mkur u i ver la.

Daniel 9:27

Una ya ikur i taveraa a ior kpishi lahadi môm man ker atô u lahadi la una er nagh ku sha samuyia kua bunde; sha kpelegh ku akaahôngorough or u nan mtim la, una va zan zan mkur u i ver la kuma, á haa iyugh sha or u nan mtim la.

Habaku 2:3

Gadia mpase u sha mnenge ne ngu keghen shighe na, ngu zan fefa sha u kuren, una er aie ga; shin er una ngôôr kpaa, kegh un, gadia una va kpee, una bunde ga.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Mateu 16:17

Yesu gema kaa a na er: Saan we iyol Shimon, wan u Yona, gadia ka or nan pase u nahan ga, kpa ka Terem u A lu Sha la.

Mateu 26:56

Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

YOHANE 15:2

Hanma gbaa u ker a Mo u a um ga yô, ka A kar a mi sha; man shi hanma gbaa u a um yô, ka A sôr un sha er una shi á hemba umen atam yô.

YOHANE 20:25

Tsô mbahenen mbagenev kaa a na er: Se nenge a Ter; kpa a kaa a ve er: Saa me nenge Un a ayol a ukusa la ken ave, man shi me za hôwe wam sha ajiir a ukusa, shi me za uwegh sha ihan Na me bende ga yô, mayange me na jighjigh ga.

Aerenakaa A Mbaapostoli 13:13

Paulu man shi mba ve lu a na imôngo la, ve nyôr tso hen Pafo, ve va hen Perga u ken Pamfilia. Yohane maa undu ve heregh, hide ken Yerusalem.

Duteronomi 8:16

u A koso u ken desereti sha mana, kwagh u uter ou fa un ga, sha u Una hide a iyol you ijime man Una kar u sha er ken masejime Una ver u doo doo yô.

Yakobu 1:2

Anmgbianev av, i̱ lu ne kwagh u iember tseegh shighe u ameen atô kposo kposo aa va tser ne yô,

Mpase U Yohane 14:15

Ortyom u Sha ugen due ken tempel, yila u a tema sha ibeen la sha zegeimo er: Naregh louji wou, sunda, gadia shighe u sunda kuma ve, sunda u shin tar kpaa via tsembelee.

Mpase U Yohane 17:17

Gadia Aôndo na ve ken asema a ve sha u ve̱ er sha awashima Na, ve̱ er a ishima i môm je, ve̱ gema tor ve, ve̱ na inyam la zan zan akaaôron a Aôndo aa kure vough yô.

Mpase U Yohane 2:10

De cie akaa a aa va tser u la ga. Nenge diabolo ngu veren iyol u una kende ior enev mbagenev ken gaadi, sha u á kar ne yô; man ican ia er ne á kuma ayange pue je. Lu jighjigh, ar ken ku je man Me na u tsar u uma ye.

Mpase U Yohane 7:14

M gema m kaa a na mer: Terem, we u fa. Tsô a kaa a mo er: Mban ka mba ve dugh ken zegecan la yô; ve ôô uriga vev ken awambe a Waniyôngo, ve kungu ve.