Daniel 11:27 - ICIGHAN BIBILO

²⁷ Utor mba uhar mban yô, vea ver asema a ve sha u eren kwaghbo, vea ôr kwagh sha aie hen tebul môm; kpa á za sha mi ga; gadia mkur una lu sha shighe u i ver la.

Daniel 11:27 Iomraidhean Croise

2 Samuel 13:26

Tsô Abesalom kaa er: Man a̱ lu nahan ga yô, shi de, anngôm Amnon a̱ za a vese imôngo. Nahan tor pine un er: Inja na nan man a̱ za a we imôngo?

Upasalmi 12:2

Hanma or ka aie tsô nan eren a orwanndor a nan ye; sha ityumbuzwaagh i nyohon, mba er kwagh sha asema ahar.

Upasalmi 52:1

We, orageegh, ka nyi man u manger sha kwaghbo nahana? Erdoo u Aôndo ngu her zan zan.

Upasalmi 58:2

Ei, ken ishima yô, ne mba eren kwagh u ifer, ne mba kar myohom ma ipila i sha ave a en la, sha tar je.

Upasalmi 62:9

Mimi je, ior mba ve lu a icivir ga, mba er humbe u karen kera nahan; mba ve lu a icivir kpaa, ka aie tsô, sha ikyekye i karen kwagh a mi yô, vea kuma ga, ve imôngo cii ve kuma sha humbe u karen kera la kpaa ga.

Upasalmi 64:6

Mba henen u eren aferakaa: Se kohol iyol ve, se zua a mhen u dedoo ve. Mhen u ken myer kua ishima i or yô, taver kpishi gande u fan.

Anzaakaa 12:20

Icugh ngi ken ishima i mbadughunifer, kpa mba ve dugh mhen u bem yô, mba a m-ember.

Anzaakaa 19:21

Mbamhen mba kpishi ken ishima i or, kpa awashima u TER yô, ka un una lu taveraa ye.

Anzaakaa 26:23

Zwa u fan kwaghôron man ishima i bo, bee er ka ikagh ki i maa sha inya i cir ki azurfa iyol nahan.

Esekiel 17:9

Kaa wer: Ter AÔNDO ngu kaan nahan er: Á kpe u iyol je kpa? Una kera wuhe amise a u, man Una kera gber atam a u; man uihômon mba u cii kpaa vea use gaa? Ka sha agee a vesen, shin sha mngee u ior man á wuhe u shin amise a u ga.

Daniel 10:1

Sha inyom i sha utar i Shirushi tor u Pershia la, i pase Daniel, u i yilan un er Belete-shasar la kwagh; kwagh la lu kwagh u mimi je, lu kwagh u ican i vesen; a kav kwagh la, mpase u sha mnenge la wanger un.

Daniel 11:28

Nahan una hide hen tar na a akaa kpishi; ishima na ia mough num a icighanikuryan, una er akaa sha ishima na, man una hide hen tar na ye.

Daniel 11:29

Sha shighe u i ver la una hide, una va ken imbusutariyan; kpa shighe u hegen ne, á kera lu er shighe u hiihii la nahan ga.

Daniel 11:35

Ken mbafankwagh mbala kpaa, mbagenev vea gba, sha u i̱ sôr ve man i̱ wanger ve man i̱ gema ve ve̱ kungu segh segh, zan zan sha shighe u mkur; gadia una kuma sha shighe u i ver la.

Daniel 11:40

Sha shighe u mkur yô, tor u ken imbusutariyan una va nôngo num a na; man tor u ken imbusutarimese kpaa una mough num a na er hiar nahan, a akekeautya man mbaanyinyav man utso kpishi; una nyôr ken ityar, una kar sha mi cii.

Daniel 8:17

Nahan a va hen ape m tile; er a va yô, cier mo iyol, m gure m kuma ityough inya; kpa a kaa a mo er: Kav, wan u or, gadia mpase u sha mnenge ne ka kwagh u sha shighe u mkur.

Daniel 8:19

a kaa er: Nenge, me na u u̱ fa kwagh u una er sha mkur u iyugh la; gadia kwagh ne tese sha shighe u mkur u i ver la.

Habaku 2:3

Gadia mpase u sha mnenge ne ngu keghen shighe na, ngu zan fefa sha u kuren, una er aie ga; shin er una ngôôr kpaa, kegh un, gadia una va kpee, una bunde ga.

Aerenakaa A Mbaapostoli 1:7

Kpa A kaa a ve er: U ne fa ashighe man a-an a Ter A ver sha tahav Nav, Un mtswen la yô, kwagh wen ngu sha mi ga.

Aerenakaa A Mbaapostoli 17:31

gadia A ver iyange i Una ôr tar cii ijir sha mimi, sha Or u A ver nan yô; sha kwagh ne yô, A na ior cii ikav i mimi sha mnder u A nder Un shin mbakpenev la.

1 Mbatesalonika 5:1

Kpa sha kwagh u ashighe man a-an yô, anmgbianev, gba u á nger ne ma kwagh ga.