Daniel 11:21 - ICIGHAN BIBILO

²¹ Orgen shi nana mough sha ityough nagh nana lu dangor u i ne nan icivir i tor ga; kpa nana va abur abur, nana va ngohol tartor sha zwanyohon.

Daniel 11:21 Iomraidhean Croise

Upasalmi 12:8

Mbaaferev mba zenden wue wue hanma ian kpaa, zum u ka a kende akaadang sha ken ônov mba iorov la.

Upasalmi 15:4

sha mnenge u nan yô, dangor ka nan kwagh u lahan je; kpa nan ngu civir mba ve cie TER. Ka nana bum yô, shin a hingir u kwagh á va tser nan kpaa, nan gema kposo ga;

Upasalmi 55:21

zwa na leghem er ka ahôm a bua yô, kpa ishima na yô, ka ityav tseegh; akaaôron na hemba leghem a mkurem, nahan kpaa ka usanker mba i tsough yô.

Yesaia 32:5

Á kera yila ibumeor er ormimi mayange ga, oratseregh kpaa, á yila nan er, orinjaa ga.

Daniel 11:20

Tsô ugen una mough sha ityough nagh, una na or u ngohol kpandegh sha apera sha u a̱ nyôr ken ijiir i hemban doon i tartor la; kpa ayange á va kar kpeghee tsô una saa ishe, á lu sha iyugh ga, shin sha utya kpaa ga.

Daniel 11:32

Mba ve eren ifer sha u hendan a ikuryan yô, una vihi ve sha zwanyohon; kpa ior mba ve fe Aôndo ve yô, vea lu dông, vea er kwagh.

Daniel 11:34

Zum u vea gba la, á wase ve sha aniwasen kpeghee; kpa ior kpishi vea zua a ve sha zwanyohon.

Daniel 11:7

Kpa ken gbaa u shin amise na, ugen una mough hen ijiir na, u una va ta num sha ikumutya, una nyôr ken ayouautya a taver a tor u sha imbusutarimese la, una er a ve sha ishima na, una hemba ve kpaa;

Daniel 4:17

Ka sha imo i mbakuran i wa tindi la, man ka sha mkaa u mba i tsegh ve la a lu ye, ka sha ci u mba ve lu uma, ve̱ fa. Uhembansha ngu a tahav sha tartor u ior, ka A gema u A na hanma or u i doo Un u nan nan yô, ka a ver or hemban gban ijime ken ior sha u kpaa.

Daniel 7:8

Er m lu timen sha akor la, nenge korough kugenegh ku kiriki gema due ken a, i tsuwa akor atar a a vande lun la sha ishigh ki ku kera; man nenge, ashe lu sha korough kun er ashe a or nahan, man zwa u ôron uzegembaakaav kpaa.

Daniel 8:23

Sha mkur u tartor ve la, zum u mbaaferev vea iv ikaren ve yô, tor u vihin ishigh sha, u fan ayom una mough.

Daniel 8:25

Sha atseregh a na la una na ayom aa za hemen sha ikev na; una kende iyol na sha ken ishima na, man una bur a bur ior kpishi una tim ve kera, shi una hendan a Tor u utor kpaa; kpa á sombo un, á kera lu sha ave a or ga.

Daniel 8:9

Ken ku mômough ken a, ankor u kiriki due, u a hingir ku vesen kpishi yô, a ver ishigh vegher u ken imbusutariyan man vegher u sha ityoughkitaregh man vegher u ken Tar u Icivirigh.

Nahum 1:14

TER wa tindi sha kwagh wou er iti you ia kera seer u zan hemen sha won ga; ken iyou i mbaaôndo ou la Me tim ieev mbi gban man mbi haan la kera; Me tim uwar wou, gadia u kera gba kwagh ga.

1 Samuel 3:13

Gadia M kaa un Mer, Me ôr ya na ijir gbem sha ci u kwaghbo u a fe la; gadia ônov nav ve va a ifan sha ayol a ve, kpa a yange ve ga.