Daniel 11:15 - ICIGHAN BIBILO

¹⁵ Nahan tor u sha imbusutarimese una va, una ta tihinya, una ngohol garutya u taver; akumautya a ken imbusutariyan aa fatyô u tilen sha ga, shin uicuwanmbautyav nav kpaa ga, gadia ma agee a tilen sha aa lu ga.

Daniel 11:15 Iomraidhean Croise

Yeremia 33:4

Gadia TER, Aôndo u Iserael, ngu kaan sha kwagh u ayou a ken gar ne, kua ayou a utor mba Yuda a i yôhôl a sha ci u atihianyaagh man sanker la, nahan er:

Yeremia 5:10

Unde nen sha ukpekpe nav, tim kera; kpa de kera been nen cica ga; paa agbaa a na, gadia ka a TER ga.

Yeremia 52:4

Tsô, sha inyom i sha utaankarunyiin i a ya tor la, uwer u sha pue, ayange a u di kpaa pue la, Nebukadinesar tor u Babilon za va, a mbautyav nav cii, er una nôngo ityav a Yerusalem; ve haa afo, shi ve maa ayou a taver, ve kase un.

Yeremia 6:6

Gadia TER u akum a Sha ngu kaan nahan er: Paa nen ikon na, haa nen atihi a inyaagh a̱ tav sha, sha u nôngon ityav a Yerusalem; ka gar u á or un iyev je la; kwagh ugen ngu ken a na ga, saa u eren kwagh sha mkighir.

Esekiel 17:17

Farao kpaa a akumautya na a vesen man ior kpishi, vea wase un ken utya ga, zum u á va ta atihi a inyaagh a maa ayouautya a taver, sha u wuan ior kpishi la.

Esekiel 4:2

kase un sha utya, maa ayouautya a taver, ta atihi a inyaagh, haa un afo kpaa, man ver akeke a hemben kpekpegar, a̱ kase un a̱ tser.

Daniel 11:14

Sha ayange la ior kpishi vea hendan a tor u imbusutariyan la; shi ior mba vihin kwagh mba ken ior ou kpaa vea mough sha, sha u kuren mpase u sha mnenge la; kpa vea gba.

Daniel 11:6

Er anyom á kar yô, vea zua ayol a ve, wan u tor u ken imbusutariyan u kwase, una va hen tor u ken imbusutarimese sha u va himen iyongo, kpa una kera lu a agee a ikasewe na gbem ga; un tor la kpaa una tile ga, shin ikasewe na kpaa ga; un wan u tor la kpaa á due un kera kua mba ve ve a na la, man ter u a mar un la kua un u a er un sha ayange la kpaa.

Daniel 8:7

M nenge a na, a va ikua ikua a nomiyôngo la, a gen ishima sha a na, a za ta sha nomiyôngo la, a sombo un akor ahar la; ma agee kera lu ken nomiyôngo la u tilen sha ishigh nagh ga; a ta un inya, a shoghol angahar sha mi; ma or lu a tahav u yiman nomiyôngo la sha ikev na ga.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.