Daniel 10:13 - ICIGHAN BIBILO

¹³ Kpa ortaregh u tartor u Pershia la hendan a mo ayange ikundu kar môm; nenge, Mikael, u môm ken mbatarev mba vesen va wasem; nahan m shi her a utor mba Pershia.

Daniel 10:13 Iomraidhean Croise

Esera 4:24

Nahan i tile tom u iyou i TER i i lu ken Yerusalem la; i tile u zan zan inyom i sha uhar i mtemtor u Dariu, tor u Pershia la.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Mbaefese 6:12

Gadia kera ka awambe man inyam se lu nôngon ityav a ve ga, kpa ka mbatarev man mbautahav man mba ve lu utor sha tar cii mba ime ngin ne, man ujijingi mba aferev mba sha ajiir a Sha.

Mbakolose 2:10

Man ne mba a m-iv la ken a Na, Un u A lu ityough sha mbatarev man tahav cii la.

1 Mbatesalonika 2:18

Nahan i lu se ka van her a ven, mo Paulu je yô, lum acin imôngo je, kpa Satan yange se.

1 Peteru 3:22

A yem Sha, ngu ken uwegh ku yanegh ku Aôndo, i gema mbatyomov mba Shaav man tahav kua agee i wa Un sha ikev.

Yuda 1:9

Kpa Mikael ortyom u Sha u tamen la, zum u a lu nôngon a diabolo, lu kpelan ikom i Mose la yô, a kera cihi a ôr un ijir i sha mtoho ga, kpa a kaa er: Ter A̱ tsaha u.

Mpase U Yohane 12:7

Tsô ityav gba Sha, Mikael kua mbatyomov nav lu nôngon a darakon. Darakon a mbatyomov nav kpaa lu nôngon,