Anzaakaa 4:4 - ICIGHAN BIBILO

⁴ a tesem, a kaa a mo er: Ishima you i̱ kusu akaaôron am; waan atindi a am iko, tsô ú lu uma.

Anzaakaa 4:4 Iomraidhean Croise

Genese 18:19

Gadia M tsuwa un sha er a̱ kaa ônov nav man mba ken ya na ken ijime, ve̱ waan gbenda u TER iko, ve̱ eren perapera man kwagh u a lu vough, sha er TER Una kure Aberaham kwagh u A ôr sha a na la yô.

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

Upasalmi 119:11

M kusu mkaanem Ou ken ishima yam, sha er me er U isholibo ga yô.

Upasalmi 119:144

Mbampase Ou ka mba perapera gbem sha won je; nam mkav, m̱ lu uma.

Upasalmi 119:168

M kor uiniezwa Ou man mbampase Ou, gadia igbenda yam cii, ngi sha ishigh You.

Anzaakaa 22:6

Tese wanye gbenda u nana za yô, nahan shighe u nana bee iyol je kpaa, nana pav a u ga.

Anzaakaa 23:26

Wan wam, nam ishima you, i̱ saan ashe ou iyol sha igbenda yam.

Anzaakaa 3:1

Wan wam, ityesen yam i̱ de hungul we ga, ishima you i̱ waan atindi am iko,

Anzaakaa 3:2

gadia vea seer we ayange á ngee, man anyom a uma kua bem kpaa.

Anzaakaa 7:2

Wa atindi am iko, lu uma, ityesen yam kpaa, kura i er hongorshe wou nahan,

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Yeremia 38:20

Kpa Yeremia kaa er: Vea na u sha ikev ve ga. Shi ungwa imo i TER, sha kwagh u m kaa u la, ka nahan man á kpe u iyol man uma wou kpaa una war ye.

YOHANE 12:50

Man shi M fa tindi Na ka u uma u tsôron je. Nahan akaa a M lu ôron ne ne M ngu ôron vough er Ter A kaam nahan.

Mbaefese 6:4

Ne uter kpaa, de eren nen a ônov enev er vea yuwe ga kpa yese nen ve sha mkôôm man kwaghwan u Ter.

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Duteronomi 6:6

Akaaôron a m kaan we nyian ne, a̱ lu u ken ishima,

WASHIKA U SHA UHAR U PAULU APOSTOLI TINDI HEN TIMOTEU - 2TI 1:5

M ngu umbur jighjigh u nan u mimi u a lu ken a we, u a vande lun ken ngôu u tamen Loisi man shi ken ngôu Unise kpaa, shi m fa dedoo mer ngu ken we kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:15

Man shi u fa er hii iyev je u kav icighanruamabera u a fatyô u tesen we u zan ken myom sha jighjigh u nan u ken Kristu Yesu la.

Mbaheberu 5:9

Er A hingir vough yô, A hingir itine i myom u tsôron sha ci u mba ve ongo imo Na la cii.

Mbaajiriv 13:12

Tsô Manoa kaa a na er: Zum u kwaghôron wou una va kure sha mi yô, ka hanma injamkor sé kura wan shono, man tom na yô, á lu nyi tomo?